جاپونيادا 2019 -جىلى جاڭا يمپەراتور تاققا وتىرادى
استانا. قازاقپارات - 2019 -جىلعى 1- قاڭتاردان باستاپ جاپونيانىڭ جاڭا يمپەراتورى تاققا وتىرۋى مۇمكىن.
جاپوندىق «سانكەي» گازەتى ەل بيلىگى جاڭا جىلدىق مەرەكەدە مۇراگەر نارۋحيتونىڭ تاققا كەلۋىنە بايلانىستى ءراسىم ۇيىمداستىرۋ مۇمكىندىگىن قاراستىرۋدا. بۇل حالىق ءۇشىن قولايسىزدىقتى ازايتۋ ماقساتىندا جاسالۋدا.
2017 -جىلعى مامىردا ەلدە قازىرگى يمپەراتور اكيحيتوعا ونىڭ تاقتا وتىرعانىنا 30 جىل تولۋىنا وراي ءوز ەركىمەن تاقتى بوساتۋعا ىقپال ەتەتىن ارنايى زاڭ قابىلدانادى دەپ كۇتىلۋدە.
