استانادا 2019-جىلى ەكى اۆتوۆوكزال جۇمىسىن باستايدى
بۇل تۋرالى بۇگىن استانا قالالىق اكىمدىگىندە مەملەكەتتىك-جەكەمەنشىك سەرىكتەستىك جوبالارىنىڭ تانىستىرىلىمىنا ارنالعان دوڭگەلەك ۇستەل بارىسىندا «Astana Innovations« ا ق مەملەكەتتىك-جەكەمەنشىك سەرىكتەستىكتى دامىتۋ باسقارماسىنىڭ باسشىسى ءاليا بيكەيەۆا ءمالىم ەتتى.
«ابىلاي حان داڭعىلى مەن قوبدا كوشەسىنىڭ قيىلىسىندا ورنالاساتىن اۆتوۆوكزالدىڭ قۇرىلىسىنا قاجەتتى ينۆەستيتسيا 5436 ميلليون تەڭگەنى قۇرايدى. تىلەنديەۆ داڭعىلى مەن بەيسەكوۆ كوشەسىنىڭ قيىلىسىنداعى اۆتوۆوكزالدىڭ ينۆەستيتسيالىق قۇنى 4673 ميلليون تەڭگە»، - دەپ حابارلادى ءا. بيكەيەۆا.
اۆتوۆوكزالدار جالپى 28 جىل قىزمەت كورسەتەدى دەپ جوسپارلانىپ وتىر. ءار ۆوكزال كۇنىنە 4500 جولاۋشى تاسىمالداۋعا قۋاتتى بولۋ كەرەك. ەكەۋى دە ءتورت قاباتتى عيمارات بولادى. اۆتوۆوكزالداردىڭ قۇرىلىسى 2017-2018-جىلدارعا ەسەپتەلگەن، نىساندار 2019-جىلى تولىقتاي ىسكە قوسىلۋى كەرەك.
اۆتور: كەنجەكەي توقتامۇرات قىزى
