سايلاۋ-2019: 71 مىڭنان استام بيۋللەتەن جارامسىز دەپ تانىلدى

ق ر ورتالىق سايلاۋ كوميسسياسى 2019 -جىلىدڭ 9 -ماۋسىمىندا وتكەن كەزەكتەن تىس پرەزيدەنتتىك سايلاۋدىڭ قورىتىندى دەرەكتەرىن جاريا ەتتى، دەپ حابارلايدى قازاقپارات ءتىلشىسى.

«سايلاۋعا قاتىسقان سايلاۋشىلاردىڭ جالپى سانى 11960364 ادام. سايلاۋ بيۋللەتەنىنە 7 كانديدات ەنگىزىلدى. رەسپۋبليكا بويىنشا الىنعان بيۋللەتەندەردىڭ سانى - 12067475. سايلاۋ بيۋللەتەندەرىن العان سايلاۋشىلاردىڭ سانى 9274466 نەمەسە سايلاۋشىلاردىڭ جالپى سانىنىڭ 77,5 پايىزى. داۋىس بەرۋگە قاتىسقان سايلاۋشىلاردىڭ سانى - 9274034»، - دەدى ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەن ورتالىق سايلاۋ كوميسسياسىنىڭ وتىرىسى بارىسىندا.

ق ر و س ك مۇشەسىنىڭ دەرەگىنشە، ونىڭ ىشىندە داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرى بويىنشا داۋىس بەرۋگە قاتىسقان سايلاۋشىلاردىڭ سانى 22427 نەمەسە بارلىق سايلاۋشىلاردىڭ 0,19 پايىزىن قۇرايدى.

«داۋىس بەرۋگە ارنالعان ءۇي-جايدان تىس داۋىس بەرۋگە قاتىسقان سايلاۋشىلاردىڭ سانى 105612 نەمەسە سايلاۋشىلاردىڭ 0,88 پايىزى. جارامسىز دەپ تانىلعان سايلاۋ بيۋللەتەندەرىنىڭ سانى 71624 نەمەسە بارلىق بيۋللەتەندەردىڭ 0,59 پايىزى. جويىلعان بيۋللەتەندەردىڭ سانى 793010»، - دەدى ول.