ق ر ۇ ە م: 2019-جىلعى حالىق ساناعىنا بۇرىنعىدان 3 ەسە از ساناق پەرسونالى جۇمىلدىرىلادى
بۇعان ساناق جۇرگىزۋدەگى زاماناۋي تەحنولوگيالار مۇمكىندىك بەرىپ وتىر، دەپ حابارلايدى قازاقپارات ءتىلشىسى.
«2009-جىلى وتكەن حالىق ساناعىنا رەسپۋبليكا بويىنشا 80 مىڭنان استام ساناق پەرسونالى (ساناق ءبولىمىنىڭ مەڭگەرۋشىلەرى، ينتەرۆيۋلەر، نۇسقاۋشى-باقىلاۋشىلار، مالىمەتتەردى ەنگىزۋ بويىنشا وپەراتورلار، ۆەريفيكاتورلار) قاتىسقان بولاتىن. ال 2019-جىلعى حالىق ساناعىنا زاماناۋي تەحنولوگيالاردى (پلانشەتتەر، ينتەرنەت جەلىسى) قولدانۋدىڭ ارقاسىندا قازاقستان بويىنشا ءۇش ەسە از ساناق پەرسونالى قاتىستىرىلاتىن بولادى»، - دەلىنگەن ۇلتتىق ەكونوميكا مينيسترلىگىنىڭ «قازاقپارات» ح ا ا- عا بەرگەن رەسمي جاۋابىندا.
كەلەسى جىلى جۇرگىزىلەتىن حالىق ساناعى ءۇشىن ارنايى سايت قولدانىلاتىنى بەلگىلى. ۇلتتىق ەكونوميكا مينيسترلىگىنىڭ حابارلاۋىنشا، سايتتى قولدانا المايتىن نەمەسە ينتەرنەت جەلىسى جوق ەلدى-مەكەندەردە تۇراتىن حالىق ءاربىر ءۇي-جايدى ارالاۋى كەزىندەگى ساۋالناماعا جاۋاپ بەرۋى ارقىلى ساناقتان وتكىزىلەتىن بولادى.
«2019-جىلعى حالىق ساناعىن جۇرگىزۋگە ارنالعان قاراجات مولشەرى قازىرگى ۋاقىتتا رەسپۋبليكالىق بيۋجەتتىك كوميسسيادا ناقىتىلانۋدا. ەل ءۇشىن حالىق ساناعىنىڭ ەرەكشە ماڭىزدىلىعى بىرىنشىدەن جاپپاي قامتۋ جانە كەڭ كولەمدى باعدارلاما ارقاسىندا جالپى حالىق تۋرالى عانا ەمەس، ونىڭ اكىمشىلىك-اۋماقتىق بىرلىگى تۋرالى دا ءتۇرلى اقپاراتتىڭ بالاماسىز كوزى بولىپ تابىلۋى ارقىلى انىقتالادى.
حالىق ساناعى ەلدىڭ ۇلتتىق ستاتيستيكالىق جۇيەسىنىڭ قۇرامداس جانە اجىراماس بولىگى، حالىق جانە ونىڭ تۇرعىن ءۇي جاعدايى تۋرالى دەرەكتەردىڭ نەگىزگى كوزى. حالىق ساناعىنىڭ قورىتىندىلارى ساناق-ارالىق كەزەڭدە ەلىمىزدە بولىپ جاتقان ەكونوميكالىق، دەموگرافيالىق جانە الەۋمەتتىك وزگەرىستەردى كورسەتەدى. حالىق ساناعى بارىسىندا الىنعان ستاتيستيكالىق دەرەكتەر بارلىق دەڭگەيلەردىڭ بيۋجەتتەرىن بارىنشا وبەكتيۆتى قالىپتاستىرۋدىڭ نەگىزى بولىپ تابىلادى»، - دەلىنگەن جاۋاپ حاتتا.
ەسكە سالا كەتسەك، بۇعان دەيىن «قازاقپارات» ح ا ا- نىڭ رەسمي ساۋالىنا جاۋاپ بەرگەن ق ر ۇ ە م قازاقستاندا 2019-جىلى حالىق ساناعى قالاي جۇرگىزىلەتىنىن اتاپ كورسەتكەن بولاتىن. تاۋەلسىزدىك العان سوڭ قازاقستاندا حالىق ساناعى 1999 جانە 2009-جىلدارى ەكى رەت وتكىزىلگەن. 1999-جىلعى ساناقتىڭ قورىتىندىسى بويىنشا قازاقستاندىقتاردىڭ سانى 14981281 ادامدى، ال 2009-جىلعى وتكىزىلگەن ساناق ناتيجەسى بويىنشا 16009597 ادامدى قۇراعان. ءۇشىنشى حالىق ساناعى كەلەسى جىلدىڭ قاراشا-قازان ايلارىندا جۇرگىزىلەتىن بولادى.
اۆتور: ايان بەكەن ۇلى
