قازاقستاندا 2019 - جىلعا دەيىن 15 جول سالىنادى

استانا. قازاقپارات - قازاقستاندىق قۇرىلىسشىلار مەملەكەت باسشىسىنىڭ ەڭ باستى تاپسىرماسى - رەسپۋبليكانىڭ استاناسىن شالعايداعى وبلىس ورتالىقتارىمەن بايلانىستىراتىن كولىك ينفراقۇرىلىمىن قۇرىپ جاتىر، دەپ حابارلايدى قازاقپارات.

«نۇرلى جول» مەملەكەتتىك ينفراقۇرىلىمدى دامىتۋ باعدارلاماسىنا سايكەس، 2019 -جىلعا دەيىن جالپى ۇزىندىعى 4,6 مىڭ شاقىرىمنان اساتىن 15 جوبانى جۇزەگە اسىرۋ قاراستىرىلعان.

بۇل جوبالاردىڭ قاتارىندا ورتالىق- وڭتۇستىك - «استانا - قاراعاندى - بالقاش - الماتى»، ورتالىق - شىعىس «استانا - پاۆلودار - قالباتاۋ - وسكەمەن»، ورتالىق- باتىس «استانا - ارقالىق - شالقار - قاندىاعاش» جانە ورتالىق- سولتۇستىك «استانا - پەتروپاۆل - رەسەي فەدەراتسياسىنىڭ شەكاراسى» دالىزدەرى بار. سونىمەن بىرگە، الماتى- وسكەمەن، ءۇشارال- دوستىق، بەينەۋ- اقجىگىت، قالباتاۋ- مايقاپشاعاي، ورال- كامەنكا- ر ف شەكاراسى سەكىلدى حالىقارالىق دالىزدەر مەن شەكارالىق باعىتتار دا باسىم جوبالار بولىپ بەلگىلەنگەن»، - دەدى «قاز اۆتو جول» ۇ ك» ا ق باسقارما ءتوراعاسىنىڭ ورىنباسارى تەمىرحان مەڭدىعاليەۆ.

ونىڭ ايتۋىنشا، قازىرگى ۋاقىتتا بارلىق جوبالار بويىنشا مەردىگەرلىك كەلىسىمشارتقا قول قويىلىپ، دايىندىق جۇرگىزىلگەن جانە قۇرىلىس جۇمىستارى باستالىپ كەتتى. رەكونسترۋكسيالانعان جول بولىكتەرىندەگى جۇمىستار اياقتالىسىمەن، جول قوزعالىسى اشىلادى. بيىل 525 شاقىرىمدىق جولدى اياقتاۋ جوسپارلانىپ وتىر جانە بارلىق جوبالاردى 2022 -جىلى اياقتاۋ كوزدەلگەن.

اۆتور: ايجان سەرىكجان قىزى