الەم تاريحىندا 2018 -جىل ەڭ ىستىق جىلداردىڭ ءبىرى بولدى

استانا. قازاقپارات - 2018 -جىل مەتەوباقىلاۋ جۇرگىزۋدىڭ 139 جىلدىق تاريحىندا تىركەلگەن ەڭ جىلى جىلداردىڭ ءبىرى بولدى.

بۇل تۋرالى ا ق ش-تىڭ مۇحيتتار مەن اتموسفەرانى زەرتتەۋ ۇلتتىق باسقارماسى (NOAA) مەن عارىشتى زەرتتەۋ ۇلتتىق باسقارماسى (NASA) ءمالىم ەتتى، دەپ حابارلايدى قازاقپارات.

NOAA جانە NASA كەلتىرگەن دەرەكتەرگە سۇيەنسەك، 2018 -جىل ەڭ جىلى جىلداردىڭ قاتارىن تورتەۋگە جەتكىزدى. «بىرنەشە جىلدان بەرى جاھاندىق جىلىنۋ جالعاسىپ كەلەدى، 2018 -جىل دا سونداي جىلداردىڭ ءبىرى بولدى»، - دەپ ءمالىم ەتتى NASA جانىنداعى گوددارد اتىنداعى عارىشتى زەرتتەۋ ينستيتۋتىنىڭ باسشىسى گەۆين شميدت.

«جاھاندىق جىلىنۋدىڭ اسەرى بايقالا باستادى. سۋ تاسقىندارى، كەي وڭىرلەردە كۇرت اپتاپ ىستىقتىڭ بولۋى، جاۋىن- شاشىن مولشەرىنىڭ ارتۋى، ەكوجۇيەلەردىڭ وزگەرۋى سوعان مەڭزەيدى»، - دەدى ول.

ينستيتۋت باسشىسىنىڭ سوزىنە قاراعاندا، 1880 -جىلدان بەرى جەر بەتىندەگى ورتاشا تەمپەراتۋرا سەلسي بويىنشا ءبىر گرادۋسقا كوتەرىلگەن. بۇل ادامزات بەلسەندىلىگىنىڭ ارتۋىمەن تىكەلەي بايلانىستى.