بىردە جەڭىس، بىردە وكىنىش: 2018 -جىل وتاندىق سپورت تاريحىندا نەمەن ەستە قالدى

وسى رەتتە «قازاقپارات» ح ا ا وقىرماندارىنا قازاقستاننىڭ سپورت الەمىنىڭ جىلدىق قورىتىندىسىن ۇسىنادى.

وليمپيادا مەن پاراليمپيادانىڭ «التىنى» كىمگە بۇيىردى

قازاقستان سپورتشىلارى جىل باسىندا وڭتۇستىك كورەيادا وتكەن قىسقى وليمپيادا ويىندارىنا ەرەكشە دايىندىقپەن بارعان ەدى. وليمپيادا ويىندارىنا اتتاناتىن قازاقستاندىق سپورتشىلارعا بەرىلەتىن سپورتتىق فورما: جىلى سپورتتىق كوستيۋم مەن شالبار، جىلى جەلەت، جاتتىعۋعا ارنالىپ تىگىلگەن جانە جەلدەن قورعايتىن كوستيۋمدەردەن تۇردى.

الايدا ايتۋلى سپورت سايىسىنىڭ الدىندا الەمدىك ب ا ق- تىڭ نازارىن تاراپ كەتكەن نوروۆيرۋست جالت قاراتتى. بەلگىلى بولعانداي، پحەنچحاندا ويىن باستالار الدىندا قۇقىق قورعاۋعا جاۋاپتى جەكە كومپانيانىڭ مىڭداعان قىزمەتكەرى نوروۆيرۋستىڭ تاراۋى سالدارىنان جۇمىستان كەرى شاقىرىلىپ الىنعان. وسىدان كەيىن ونداعى بيلىك جەرگىلىكتى دەنساۋلىق ساقتاۋ مينيسترلىگىمەن ۆيرۋستىڭ قايدان شىققانىن انىقتاۋعا كىرىسكەن ەدى.

بۇدان كەيىن نوروۆيرۋستى ۆولونتەرلار مەن سپورتشىلار دا جۇقتىرا باستاعانى بەلگىلى بولدى. الايدا جەرگىلىكتى بيلىك ۆيرۋستىڭ تارالۋىنا ۋاقتىلى شەكتەۋ قويدى. 111 ۆيرۋسىن جۇقتىرۋدىڭ ناقتىلانعان دەرەكتەرى ەڭ كوپ قاۋىپسىزدىك قىزمەتكەرلەرىنىڭ اراسىندا تىركەلدى. اۋرۋدىڭ شىعۋىنا پحەنچحاندا استى دايىنداۋعا پايدالاناتىن سۋدىڭ لاستىعى سەبەپ بولعان.

XXIII قىسقى وليمپيادا ويىندارى رەسمي تۇردە 9 -اقپاندا باستالدى. قازاقستاندىق سپورتشىلار جەتىستىكتەرمەن باستادى دەۋ قيىن. ماسەلەن، شورت- ترەكشىلەرىمىز جارتىلاي فينالعا وتپەي جاتسا، گالينا ۆيشنيەۆسكايا دا جەتى جارىم شاقىرىمدىق ايەلدەر سپرينتىندە وتىزىنشى بولىپ كەلدى.

پحەنچحان قالاسىندا ەرلەر اراسىندا شاڭعىمەن «سكياتلون» جارىسى دا وتكەن ەدى. قازاقستان كومانداسى اتىنان بۇل سايىسقا ەۆگەني ۆەليچكو مەن ۆيتالي پۋحكالو قاتىسقان. الايدا ساتتىلىك بۇل جولى دا سپورتشىلارىمىزعا سەرىك بولمادى - ۆيتالي پۋحكالو ءمار سىزىعىن 34-، ەۆگەني ۆەليچكو بولسا 43- بولىپ كەسىپ ءوتتى.

وسىدان كەيىن قازاقستاندىق جانكۇيەرلەر مەدالدان ءۇمىتىن ۇزە باستاعانى دا وتىرىك ەمەس. الايدا سونۋگە شاق قالعان ءۇمىت شوعى جارق ەتىپ، فريستايلشى يۋليا گالىشەۆا ەلىمىزدىڭ قورجىنىنا تۇڭعىش مەدالدى سالدى. ۇزدىك التى سپورتشىنىڭ اراسىندا العاشقى بولىپ جارىس جولىنا شىققان وتانداسىمىز 77.40 ۇپاي جيناپ، وليمپيادانىڭ قولا جۇلدەسىنە قول جەتكىزدى.

وكىنىشكە قاراي، وليمپيادا ويىندارىندا مانەرلەپ سىرعاناۋدان قىسقا باعدارلامادا ونەر كورسەتكەن دەنيس تەن جارىس جولىنان شىعىپ قالدى. قىسقا باعدارلامادا ونەر كورسەتىپ، 70,12 ۇپاي جيناعان بولاتىن. مۇز ايدىنىنا ءتورتىنشى بولىپ شىققان وتانداسىمىز ۇزدىك 24 سپورتشىنىڭ قاتارىنا ىلىنە الماي، 27 ورىندى مىسە تۇتتى. وسىلايشا، ەركىن باعدارلامادا دەنيس تەن جارىس ايدىنىنا شىقپاي قالدى.

كەيىن مانەرلەپ سىرعاناۋشى پحەنچحانداعى وليمپيادا ويىندارىنان كەيىنگى اسەرىمەن بولىسكەن بولاتىن.

«بۇگىن مەنىڭ ونەر كورسەتەر ءساتىم اياقتالىپ، ءومىرىمنىڭ كەزەكتى تاراۋى سوڭىنا جەتتى. مەن وسىناۋ كۇردەلى كەزەڭدە قولداۋ بىلدىرگەن بارلىقتارىڭىزعا العىسىمدى بىلدىرگىم كەلەدى. جارتى جىل بۇرىن عانا اۋرۋحانادا جاتىپ، وليمپيادا ويىندارىنا قاتىسۋ ءۇشىن كورەياعا بارا الماي قالامىن با ۋايىمداعان ەدىم. وسى ماۋسىمدى تۇگەل ءبىر عانا ماقساتقا - پحەنچحان-2018 ويىندارىنا ارناعان بولاتىنمىن. سوندىقتان، جارىسقا قاتىسۋىمنىڭ ءوزى جەتىستىك، ونى ماقتان ەتەمىن، ازداپ كوڭىلىمنىڭ قۇلازىپ تۇرعانى بولماسا. مەن بارىنە ءبىر ۋاقىتتا قول جەتكىزگىم كەلدى. بۇل ءۇشىن ءبارىن بەرۋگە ءازىر ەدىم: بارلىق كۇش- قۋاتىمدى، نازارىم مەن دەنساۋلىعىمدى. ءۇمىتىمنىڭ ءبىرشاماسى اقتالمادى. وكىنىشكە قاراي...» - دەپ جازدى سپورتشى Instagram پاراقشاسىندا.

قىسقى وليمپيادا ويىندارىندا ەليزابەت تۇرسىنبايەۆانىڭ جاقسى ونەر كورسەتىپ، ۇزدىك ون بەستىكتىڭ ىشىنە ەنگەنىن ايتا كەتۋ كەرەك. تۇرسىنبايەۆا قىسقا باعدارلامادا 15-ورىندى قاناعات تۇتقان بولاتىن. ال قوس سايىس قورىتىندىسى بويىنشا 177.12 ۇپاي ەنشىلەپ، وليمپيادا ويىندارىن 12-ورىنمەن اياقتادى.

23 -اقپاندا كونكي سپورتىنان 1000 مەتر قاشىقتىقتا وتانداستارىمىز سىنعا تۇسكەن بولاتىن. بۇل سىندا قازاقستان قۇراماسىنىڭ نامىسىن ءۇش بىردەي كونكيشىمىز - دەنيس كۋزين، فەدور مەزەنسيەۆ جانە ستانيسلاۆ پالكين قورعاعان. اتى اتالعان سپورتشىلارىمىز اراسىنان ەڭ ۇزدىك ناتيجەنى دەنيس كۋزين تىركەدى. ول اتالعان قاشىقتىقتى 1:10.13 ۋاقىتتا 27- ورىنمەن باعىندىرسا، ستانيسلاۆ پالكين (1:10.149) 29- ورىنمەن، ال ءۇشىنشى وتانداسىمىز (1:10.62) مارە سىزىعىن 36 سپورتشىنىڭ ىشىنەن 33- بولىپ كەستى.

وسىلايشا، ءتورت دۇنيەنىڭ نازارىندا بولعان XXIII قىسقى وليمپيادا ويىندارىندا قازاقستان قۇراماسى ءبىر قولا مەدالمەن قايتتى. وزگە سپورتشىلارىمىز وكىنىشكە قاراي جۇلدەسىز قالدى. جالپىكوماندالىق ەسەپتە قازاقستان قۇراماسى لاتۆيا مەن ليحتەنشتەينمەن بىرگە قىسقى وليمپيادا ويىندارىنىڭ 28- ورنىنان كورىندى.

پاراليمپياداداعى تاريحي «التىن»

قىسقى وليمپيادا ويىندارىنا سوڭىنا جەتكەن سوڭ ارادا ءبىر اپتا وتكەننەن كەيىن پحەنچحاندا قىسقى پاراليمپيادا ويىندارىنىڭ الاۋى تۇتاندى. سول تۇستا پاراليمپيادا ويىندارى اياسىندا قازاقستاننىڭ تۋىن كوتەرۋ ءراسىمى وتكەن ەدى.

پاراليمپيادالىق ويىنداردا 6 سپورت تۇرىنەن 80 مەدال جيىنتىعى ساراپقا سالىندى. 9-18 -ناۋرىز ارالىعىندا وتكەن دودادا قازاقستان اتىنان 6 ادام ەكى سپورت تۇرىنەن - شاڭعى جارىسى جانە بياتلون سايىسىندا باق سىناعان ەدى.

پاراليمپيادا-2018-دە جارىس جولىنا العاشقىلاردىڭ ءبىرى بولىپ شىققان قازاقستاندىق شاڭعىشى الەكساندر گەرليتس 47:54.4 مينۋت ناتيجەسىمەن ءتورتىنشى ورىن الدى. الەكساندر گەرليتسكە قولا مەدالگە 43 سەكۋند جەتپەي قالدى. سوعان قاراماستان، قازاقستاندىق شاڭعىشى قازاقستان شاڭعى جارىسىنىڭ تاريحىنداعى ەرلەر- پاراليمپياداشىلار اراسىندا ۇزدىك اتاندى.

اتالمىش بايراقتى باسەكەدە قازاقستاندىق شاڭعىشى الەكساندر كوليادين «التىن» الۋىنىڭ، شىنىندا دا، تاريحي ماڭىزى بار ەدى. 14 -ناۋرىزدا وتكەن شاڭعى جارىسى قازاقستان ءۇشىن جەڭىسپەن اياقتالدى. كلاسسيكالىق ادىسپەن 1,5 شاقىرىمدىق سپرينتەرلىك شاڭعى جارىسىندا جارىسقان سپورتشىلار اراسىندا قازاقستاندىق سپورتشى ىرىكتەۋ كەزەڭىندە دە، جارتىلاي فينالدا دا ۇزدىك بولدى. الەكساندر كوليادين فينالدا 4 مينۋت 19,7 سەكۋند ناتيجەسىن كورسەتىپ، الدىنا جان سالمادى.

ازيادا-2018 دوداسىنداعى 76 مەدال

قازاقستاندىق سپورتشىلار بيىل يندونەزيادا وتكەن ازيادا ويىندارىندا جاقسى ونەر كورسەتتى. بايراقتى باسەكەدە قازاقستان قۇراماسىنان 37 سپورت ءتۇرى بويىنشا 440 سپورتشى ەل نامىسىن قورعاۋعا اتتانعان ەدى.

جازعى ازيا ويىندارىندا قازاقستان قورجىنىنا العاشقى التىن جۇلدەنى سەمسەرلەسۋشى دميتريي الەكسانين سالدى. ول فينالدىق باسەكەدە ريو وليمپياداسىنىڭ چەمپيونى سان ەن پاكتى جەڭگەن بولاتىن. سونداي-اق، ازيادانىڭ العاشقى كۇنى «كۇمىستى» ەركىن كۇرەستەن دانيار قايسانوۆ، ءدال وسىنداي سپورت تۇرىنەن ساياتبەك وقاسوۆ مەن ادىلەت داۆلۋمبايەۆ قولا مەدالداردى يەلەندى.

وسىدان كەيىن بالۋان قىز جۇلدىز ەشىموۆا كۇمىس مەدال جەڭىپ العان ەدى.

جازعى ازيا ويىندارىندا قازاقستان قورجىنىنداعى التىن مەدالداردى ۆەلوسپورتتان جەكەلەي سىندا الەكسەي لۋتسەنكو، كاراتەدەن گۋزاليا عافۋروۆا، كوركەم گيمناستيكادان قازاقستان كومانداسى سالدى.

.

سونىمەن بىرگە، ازيادا ويىندارىندا 81 كەلى سالماقتا سىنعا تۇسكەن دزيۋدوشى ديدار حامزا ازيا ويىندارىنىڭ چەمپيونى اتاندى. فينالدا ول يراندىق سايد موللايدان باسىم ءتۇسىپ، قازاقستان قۇراماسىنا ازيا ويىندارىنداعى ونىنشى التىن جۇلدەنى تارتۋ ەتكەن ەدى.

ازيانىڭ ۇزدىك اتلەتى ەكەنىن ولگا رىپاكوۆا دا دالەلدەدى. سپورتشىمىز ەكىنشى مارتە قارعىپ سەكىرۋىندە 14 مەتردى باعىندىرعان. ال قالعان قارسىلاستارىنىڭ بىردە- ءبىرى مۇنداي كورسەتكىش كورسەتە العان جوق. ولگا رىپاكوۆا ءۇشىنشى مارتە سەكىرۋىندە 14,26 مەتر ناتيجە كورسەتتى.

سامبودان قازاقستان كومانداسىنىڭ مۇشەسى باعلان يبراگيم جازعى ازيا ويىندارىنىڭ چەمپيونى اتانسا، بايداركا ەسۋدەن يننا يننا، سامبوشى ديلداش قۇرىشبايەۆا دا قازاستان قورجىنىنا «التىن» سالدى. ازيادا-2018 سايىسىندا سۋ دوبىنان قازاقستان ەرلەر كومانداسى ازيا ويىندارىنان توپ جاردى. جاپونيا قۇراماسىمەن وتكەن اسا تارتىستى كەزدەسۋدە قازاقستاندىقتار 8:7 ەسەبىمەن جەڭىسكە جەتتى. ءبىزدىڭ كوماندا ساپىنان ميحايل رۋداي مەن ەۆگەني مەدۆەديەۆ مەرگەندىگىمەن تانىلدى. ولار تيىسىنشە ءۇش جانە ەكى دوپتان سوققان. ۆاتەرپولشىلار قازاقستان قورجىنىنا ازيادانىڭ 15- التىنىن سالعان ەدى.

ازيادانىڭ جالپى مەدالدار سانى بويىنشا قازاقستان 9- ورىنعا تۇراقتادى. تاۋەلسىزدىك العاننان بەرگى جىلداردا وتكەن ازيا ويىندارىنىڭ بارىندە قازاقستان ۇزدىك بەستىك قاتارىنان كورىنىپ كەلگەن. بيىلعى كورسەتكىش بويىنشا 15 التىن، 17 كۇمىس ەنشىلەدىك. بۇل كورسەتكىش تە بۇرناعى جىلدارعى جەتىستىكتەردىڭ ىشىندەگى ەڭ تومەن ناتيجە بولىپ تىركەلىپ وتىر. تەك قولا مەدال سانى بويىنشا (44) عانا ءوز رەكوردىمىزدى جاڭارتتىق.

2018 -جىلعى ازيادانىڭ ۇزدىك ۇشتىگىنە قىتاي، جاپونيا جانە كورەيا ورنالاستى. ءتورتىنشى ورىندا ازيا ويىندارىن وتكىزگەن - يندونەزيا بولسا، توپ-5-تىكتى وزبەكستان تۇيىندەدى.

GGG مەن كانەلونىڭ رەۆانشى

گەننادي گولوۆكين مەن ساۋل الۆارەستىڭ رەۆانشىنىڭ بولاتىنى تۋرالى قاڭتاردىڭ اياعىندا بەلگىلى بولعان ەدى. سول تۇستا ورتا سالماق بويىنشا WBC، WBA، IBF نۇسقالارىنىڭ يەگەرى گەنناديي گولوۆكين مەن ەكس-چەمپيون ساۋل الۆارەس 5 -مامىردا قايتا كەزدەسەتىنى حابارلانعان ەدى.

الايدا ناۋرىز ايىندا ساۋل الۆارەستەن الىنعان دوپينگ سىنامالاردىڭ بىرىنەن تىيىم سالىنعان پرەپارات تابىلىپ، بوكس الەمىندە ۇلكەن شۋ شىقتى. الۆارەستىڭ مۇددەسىن قورعايتىن Golden Boy پروموۋتەرلىك كومپانياسى بوكسشىدان الىنعان دوپينگ سىنامالاردىڭ بىرىنەن تىيىم سالىنعان پرەپارات - كلەنبۋتەرول تابىلعانى تۋرالى اقپاراتتى راستاپ وتىر. بۇل مالىمەتتى شەتەلدىك اقپارات قۇرالدارى تاراتتى.

الۆارەسكە قاتىستى دوپينگ داۋىنان كەيىن بوكسشى ۋاقىتشا ايقاستان شەتتەتىلدى.

اقىرىندا، 5 -مامىردا گولوۆكين مەن الۆارەستىڭ رەۆانشى وتپەيتىن بولدى. ءبىراق، گولوۆكيننىڭ ءبارىبىر شارشى الاڭعا شىعاتىنى بەلگىلى بولدى. قازاقستاندىق بوكسشىنىڭ قارسىلاسى ۆانەس مارتيروسيان ەدى. ايقاس كوپشىلىك كۇتكەنىندەي، GGG بار- جوعى ەكى راۋندتىڭ ىشىندە كەزدەسۋدى ۋاقىتىنان بۇرىن اياقتادى.

اقىرى ماۋسىم ايىندا بوكس جانكۇيەرلەرى كوپتەن كۇتكەن ايقاستىڭ وتەتىنى بەلگىلى بولدى. كەزدەسۋ 16 قىركۇيەك كۇنى لاس- ۆەگاستاعى T- Mobile Arenaدا وتكەن بولاتىن. ايقاس تەڭ دارەجەدە وربىگەندەي كورىنگەنىمەن، تورەشىلەردىڭ شەشىمىمەن وتانداسىمىز تۇڭعىش رەت جەڭىلىستىڭ اشى ءدامىن تاتتى.

سپورتتا كەلەشەگى كەمەل قانداي ورەندەرىمىز شىقتى؟

وتاندىق سپورتتا قازىردىڭ وزىندە كەلەشەگىنەن زور ءۇمىت كۇتتىرەتىن جاستار شىعىپ كەلە جاتقانىن ايتا كەتۋ كەرەك.

ماسەلەن، جىلدىڭ باسىندا 18 جاستاعى گولفشى داۋلەت تولەۋبايەۆ ستەنفورد ۋنيۆەرسيتەتى كومانداسىنىڭ قۇرامىنا قابىلدانعانى جانكۇيەرلەرىمىزدى قۋانتىپ تاستاعان ەدى. تالانتتى سپورتشىنى امەريكانىڭ 20-عا جۋىق ۋنيۆەرسيتەتى ءوز قاتارىنا شاقىرعان. ولاردىڭ اراسىندا گارۆارد، بەركلي، پرينسون، ديۋك سياقتى الەمگە ايگىلى ۋنيۆەرسيتەتتەر دە بولدى. ءبىراق داۋلەتتىڭ ءوزى ستەنفورد ۋنيۆەرسيتەتىن تاڭدادى. ول ۇلتتىق ستۋدەنتتەر سپورتى قاۋىمداستىعىنىڭ (NCAA) تۋرنيرلەرىنە قاتىسۋ مۇمكىندىگىن العان العاشقى قازاقستاندىق گولفشى بولدى.

داۋلەت تولەۋبايەۆ جاستار جانە ەرەسەكتەر اراسىنداعى جارىستاردا ءساتتى ونەر كورسەتىپ كەلەدى، ال 2017 -جىلعى جازدا تمد ەلدەرى اراسىندا العاش رەت ايگىلى U. S. Amateur گولف ءتۋرنيرىنىڭ ىرىكتەۋ كەزەڭىندە جەڭىسكە جەتكەن. كەزىندە اتى اڭىزعا اينالعان گولفشى تايگەر ۆۋدس تا وسى ۋنيۆەرسيتەت كومانداسىنىڭ نامىسىن قورعاعان بولاتىن. ستەنفوردتا وقىعان 20-دان استام گولفشىگە ۋنيۆەرسيتەتتىڭ قۇرمەت زالىنان ورىن بەرىلگەن، سونىڭ تورتەۋى ا ق ش ۇلتتىق چەمپيوناتىندا جەڭىمپاز اتانعان.

قازاقستاندىق سپورتشىلاردىڭ اراسىندا شىعارماشىلىق قىرى تانىلعان جاستار دا بارشىلىق. بىرىككەن اراب امىرلىكتەرىندە برازيليالىق دجيۋ- دجيتسۋدان وتكەن حالىقارالىق گرەند سلەم جارىسىندا التىن مەدالدى جەڭىپ العان ەدى.

«مەن 3 مارتە بوز كىلەمگە شىقتىم. ءبىرىنشىسىن سابميشنمەن جەڭدىم، قالعان ەكى بەلدەسۋدى ۇپاي سانىمەن الىپ كەتتىم. ارينە، قيىندىقتار قايدا بولسا دا بار، ءبىراق ماعان ۇنايدى. بۇل مەنىڭ ابۋ- دابيگە ەكىنشى رەت كەلۋىم. ءبىرىنشى رەت 2016 -جىلى الەم چەمپيوناتىنا كەلدىم. بۇگىن مىنە، Grand Slam World Tour حالىقارالىق جارىسىندا بەلدەستىم. 2018 -جىلدى مەن «التىنمەن» باستادىم جانە بۇل مەنىڭ الداعى جەتىستىكتەردىڭ جالعاسى بولادى دەپ ۇمىتتەنەمىن» ، - دەدى جارىس تۋرالى «مۇراعا قالعان ماحاببات» (ليۋبوۆ پو ناسلەدستۆۋ) جانە «ساياحاتشى» (پۋتەشەستۆەننيك) سياقتى فيلمدەردەگى رولدەرى ارقىلى تانىمال مەكەنبايەۆا.

ايتا كەتەيىك، قازىر ءمولدىر «قازاق باتىرلار» تاريحي سەريالىنا ءتۇسىپ جاتىر. ول وندا باستى ءرولدى ويناعان ەدى.

تاعى ءبىر مىسال - قازاقستاندىق وقۋشى دىنمۇحامەد تىلەنديەۆتىڭ جەڭىسى.

قازاقستاندىق وقۋشى دىنمۇحامەد تىلەنديەۆتىڭ دە شاحماتتان 7 جاسقا دەيىنگى بالالار اراسىندا چەمپيون اتانعانىن اتاپ ءوتۋ كەرەك. بۇل جايدى تاريحي وقيعالاردى قاتارىنا جاتقىزۋعا بولادى. سەبەبى، ەل تاريحىندا اتالمىش جاستا ەر بالالار اراسىندا چەمپيون اتانعان ورەن جوق.