داۋرەن ابايەۆ 2018-جىلى جەتىستىككە جەتكەن قازاقستاندىقتاردى اتادى

«الەم ءۇشىن قازاقستان بيىل جاڭا ەسىمدەردى تانىتا ءبىلدى. جاڭا جەتىستىكتەردى باعىندىرعان، البەتتە، ەڭ الدىمەن ديماش قۇدايبەرگەندى اتاپ ءوتۋ كەرەك. سونىمەن بىرگە، كانن فەستيۆالىندە «ەڭ ۇزدىك اكتريسا» اتانعان سامال ەسلياموۆا دا كوپتى مويىنداتتى. دانيەليا تولەشوۆا «بالالار ەۋروۆيجندە» قۇرمەتتى ورىندى يەلەندى. ماسەلەن، شاحماتشى قىزدارىمىز دينارا ءسادۋاقاسوۆا مەن جانسايا ابدىمالىكوۆا الەمنىڭ ەڭ ۇزدىك 20 شاحماتشىلارىنىڭ قاتارىنا ەندى. مۇنداي جەتىستىكتەر ەشقاشان بولماعانىن دا ايتا كەتۋ كەرەك»، - دەدى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا.

ءمينيستردىڭ ايتۋىنشا، الەمدىك دارەجەدەگى سپورت شىڭدارىن يۋليا گالىشەۆا باعىندىرعان. جازعى ازيا ويىندارىندا دا سپورتشىلارىمىزدىڭ جەتىستىگى جەتەرلىك.

«استانا» فۋتبولشىلارى دا ەۋروكۋبوكتا ءساتتى ونەر كورسەتتى. «بارىس» حوككەيشىلەر دە جەڭىستەرىمەن قۋانتىپ جاتىر. قۋانىشتى ساتتەردى بىزگە ونەر مەن سپورت وكىلدەرى عانا ەمەس، قاراپايىم قازاقستاندىقتار دا سىيلاعانىن ەرەكشە اتاپ وتكىم كەلەدى. ءبىر مىسال كەلتىرەيىن: مەنى اسىرەسە الماتىلىق راۆيل سەيفۋلليننىڭ ءومىر جولى ەرەكشە تەبىرەنتتى. ول ون جىل بويى جەلىلىك وپەراتور بولىپ ەڭبەك ەتىپ، كومپيۋتەرلەردى جوندەۋ جۇمىستارىمەن اينالىسقان. ال بۇگىنگى تاڭدا ول بۇزىلىپ قالعان كومپيۋتەرلەردى جوندەپ، كومەككە مۇقتاج بالالاردىڭ وتباسىلارىنا تاراتادى. ون ايدىڭ ىشىندە ول مۇمكىندىگى شەكتەۋلى بالالارعا، ونكولوگياعا شالدىققان بالالار مەن جەتىمدەرگە 70 كە تارتا نوۋتبۋك پەن كومپيۋتەر تابىس ەتكەن. ياعني، ول ءوز ىسىمەن 70 كە تارتا بالاعا قۋانىش سىيلاپ وتىر. وسىنداي جاعدايلار تەبىرەنتە وتىرىپ، جاقسىلىققا سەنۋگە ۇندەيدى»، - دەيدى داۋرەن ابايەۆ.