ازيادا-2018: قازاقستاندىق دزيۋدوشىلاردىڭ العاشقى قارسىلاستارى بەلگىلى بولدى

استانا. قازاقپارات - كەشە جاكارتادا دزيۋدو بويىنشا ازيا ويىندارىنىڭ جەرەبەسى تارتىلىپ، قازاقستاندىق بالۋانداردىڭ العاشقى قارسىلاستارى بەلگىلى بولدى، دەپ حابارلايدى قازاقپارات ءتىلشىسى.

ق ر دزيۋدو فەدەراتسياسى باسپا ءسوز قىزمەتىنىڭ قابارلاۋىنشا بۇگىن تاتاميگە 4 سالماق بويىنشا بالۋاندار بەلدەسەدى. ەرلەر: -60 كەلى، -66 كەلى ؛ ايەلدەر: -48 كەلى ، -52 كەلى.

ەلدوس سمەتوۆتىڭ (-60 كەلى) العاشقى قارسىلاسى يندونەزيالىق موحاممەد ليۋۆيس. ونى جەڭسە وتانداسىمىز وتار بەستايەۆ (قىرعىزستان) \يونگ دجاە ان (سولتۇستىك كورەيا) جۇبىنىڭ جەڭىمپازىمەن كەزدەسەدى. ال ەلدوس جۇماقانوۆ (-66 كەلى) بولسا، جارىسقا ەكىنشى اينالىمنان قوسىلادى. ونىڭ قارسىلاسى ەركەمبايار باتتوگتوح (موڭعوليا) /سۋراساك پۋنتانمان (تايلاند) اراسىنداعى كەزدەسۋدە انىقتالادى.

قىزدار اراسىنان وتگونتسەتسەگ گالبادراح (-48 كەلى) تا جارىسقا ەكىنشى اينالىمدا قوسىلادى. ال كامشات قاراساي قىزى (-52 كەلى) بولسا، سولتۇستىك كورەيالىق سونگ سين ريممەن كۇرەسەدى.

ەستەرىڭىزگە سالا كەتسەك، بۇگىن جاكارتادا ءوتىپ جاتقان ازيا ويىندارىندا دزيۋدو بويىنشا سايىستار استانا ۋاقىتىمەن ساعات تاڭعى 8:00-دە باستالدى.

اۆتور: كۇنسۇلتان وتارباي