ازيادا-2018: اپەكەلى-ءسىڭىلى قازاقستاندىقتار قولا جۇلدەگەر اتاندى

استانا. قازاقپارات - يندونەزيادا ءوتىپ جاتقان جازعى ازيا ويىندارىندا بۇگىن سينحروندى جۇزۋدەن اپەكەلى-ءسىڭىلى قازاقستاندىق قىزدار قولا مەدالعا يە بولدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتتىڭ باسپا ءسوز قىزمەتىنىڭ حابارلاۋىنشا، ازيا ويىندارىنداعى كەزەكتى قولا مەدالدى سينحروندى جۇزۋشىلەر جەڭىپ الدى.

ءبىرىنشى جارىس كۇنىنەن سوڭ ءۇشىنشى ورىندا تۇرعان اپەكەلى-ءسىڭىلى ەكاتەرينا مەن الەكساندرا نەميچ تۋرنير قورىتىندىسى بويىنشا ۇزدىك ۇشتىككە ەندى.

نەميچتەر جالپى ەسەبى 170.8845 ۇپاي جينادى. ال التىن مەدال العان قىتايلىقتار 186.5101، كۇمىس جۇلدەگەر اتانعان جاپونيا كومانداسى 182.3363 ۇپاي جينادى.

اۆتور: كۇنسۇلتان وتارباي