ازيادا-2018: دميتري بالاندين كەزەكتى جارىسىندا فينالعا شىقتى

استانا. قازاقپارات - يندونەزيادا ءوتىپ جاتقان جازعى ازيا ويىندارىندا 50 مەترگە براسس ادىسىمەن جۇزۋدەن ەرلەر اراسىنداعى ىرىكتەۋ كەزەڭى اياقتالدى، دەپ حابارلايدى قازاقپارات ءتىلشىسى.

ق ر ۇ و ك باسپا ءسوز قىزمەتى ءمالىم ەتكەندەي، بۇگىن جاكارتادا قازاقستاندىق دميتري بالاندين ءوز توبىندا 50 مەترگە براسس ادىسىمەن جۇزۋدەن ءۇشىنشى بولىپ كەلسە، جالپى ەسەپتە 5- ورىنمەن فينالعا ءوتتى.

ال قورىتىندى ەسەپتە 12- ورىندا قالعان ا. قامزين فينالدىق كەزەڭنەن سىرت قالدى.

اقتىق باسەكە استانا ۋاقىتىمەن ساعات 17:00 دە باستالادى.

ەستەرىڭىزگە سالا كەتەيىك، بالاندين وسىعان دەيىن 100 مەترگە براسس ادىسىمەن جۇزۋدە ازيا ويىندارىنىڭ قولا جۇلدەگەرى اتانعان بولاتىن.

اۆتور: كۇنسۇلتان وتارباي