ازيادا-2018: بۇگىن بوكسشىلاردىڭ جەرەبە تارتۋ ءراسىمى وتەدى

استانا. قازاقپارات - بۇگىن يندونەزيادا ءوتىپ جاتقان جازعى ازيا ويىندارىندا بوكسشىلاردىڭ جەرەبە تارتۋ ءراسىمى وتەدى، دەپ حابارلايدى قازاقپارات ءتىلشىسى.

بۇل تۋرالى قازاقپارات تىلشىسىنە بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ ايتىپ بەردى.

جاكارتادا بوكستان قازاقستان نامىسىن 49 كەلىدە - تەمىرتاس ءجۇسىپوۆ، 52 كەلىدە - ازات ماحمەتوۆ، 56 كەلىدە - قايرات ەراليەۆ، 60 كەلىدە - ساماتالى تولتايەۆ، 64 كەلىدە - بەكداۋلەت يبراگيموۆ، 69 كەلىدە - اسلانبەك شىمبەرگەنوۆ، ال 74 كەلىدە ءابىلحان امانقۇل ەل نامىسىن قورعايدى.

ايتا كەتكەن ءجون، بيىلعى ازيا ويىندارىنا 81، 91 جانە 91 كەلىدەن جوعارى بوكسشىلار قاتىسپايدى.

ەستەرىڭىزگە سالا كەتەيىك، وسىدان ءتورت جىل بۇرىن، ياعني 2014-جىلى وڭتۇستىك كورەيانىڭ ينچحون قالاسىندا وتكەن جازعى ازيا ويىندارىندا قازاقستان بوكسشىلارى 6 التىن، 1 كۇمىس جانە 1 قولا مەدال يەلەنىپ، جالپى كوماندالىق ەسەپتە ءبىرىنشى ورىن العان بولاتىن.

اۆتور: كۇنسۇلتان وتارباي