21:30, 22 - تامىز 2018 | GMT +5
ازيادا-2018: قازاقستاندىق بالۋان قولا مەدالدى جەڭىپ الدى
استانا. قازاقپارات - يندونەزيادا ءوتىپ جاتقان 18 - جازعى ازيا ويىندارىندا بۇگىن گرەك- ريم كۇرەسىنەن 87 كەلىگە دەيىنگى سالماقتا ەل نامىسىن قورعاعان ازامات قۇستىبايەۆ ازيا ويىندارىنىڭ قولا جۇلدەگەرى اتاندى.
بۇل تۋرالى قازاقپارات ءتىلشىسى ق ر ۇلتتىق وليمپيادالىق كوميتەتتىڭ باسپاءسوز قىزمەتىنە سىلتەمە جاساپ حابارلايدى.
باسپاءسوز قىزمەتىنىڭ مالىمەتتەرىنە قاراعاندا، قولا جۇلدە ءۇشىن تارتىستا ازامات ءۇندىستاندىق بالۋاندى 6:3 ەسەبىمەن جەڭدى.
ازامات ازيا ويىندارىنداعى العاشقى كەزدەسۋىندە تاجىريبەلى وزبەك بالۋانى رۋستام اسساكالوۆقا ەسە جىبەرگەن ەدى.
جۇبانىش بەلدەسۋىندە قازاقستاندىق سپورتشى قىرعىزستاندىق سامات شيرداكوۆتى جەڭدى.
ەسكە سالا كەتەيىك، گرەك- ريم كۇرەسىنىڭ وكىلدەرى كەشە ءبىر كۇمىس، ءبىر قولا مەدال يەلەنگەن بولاتىن.
كۇنسۇلتان وتارباي
