ءداستۇرلى «التىن توبىلعى - 2018» ادەبي بايقاۋى جاريالاندى

بايقاۋ سەرىكتەستەرى - قازاقستان جازۋشىلار وداعى جانە مەملەكەتتىك ءتىلدى دامىتۋ قورى. ءىس- شاراعا ق ر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ، قازاقستان جازۋشىلار وداعى باسقارما ءتوراعاسىنىڭ ءبىرىنشى ورىنباسارى اقبەرەن ەلگەزەك، مەملەكەتتىك ءتىلدى دامىتۋ قورىنىڭ ديرەكتورى ازات شاۋەيەۆجانە «التىن توبىلعى» -2016 سىيلىعىنىڭ لاۋرەاتى تاتيانا كرەتوۆا قاتىستى.
«التىن توبىلعى» بايقاۋى جىل سايىن ۇلتتىق ادەبيەتتە جاڭا ەسىمدەردى قالىپتاستىرۋ جانە جاس قالامگەرلەردىڭ ومىرلىك فيلوسوفياسىن كورسەتەتىن قازىرگى زامانعى ادەبيەتكە قوعامنىڭ قىزىعۋشىلىعىن ارتتىرۋ بولىپ تابىلادى. بۇل بىرەگەي بايقاۋ پرەزيدەنتتىڭ «بولاشاققا باعدار: رۋحاني جاڭعىرۋ» ستراتەگيالىق ماقالاسىن جۇزەگە اسىرۋعا باعىتتالعان. ءوزىنىڭ باعدارلامالىق ماقالاسىندانۇرسۇلتان نازاربايەۆ دارىندى جانە تابىستى جاستارعا نازار اۋدارۋ جايلى ايتقان. «التىن توبىلعى» بايقاۋى جاس جازۋشىلاردىڭ شىعارماشىلىعىنا قولداۋ كورسەتۋ سياقتى ماقساتتاردى العا قويىپ وتىر.
بايقاۋ قۇرىلتايشىسى، ق ر تۇڭعىش پرەزيدەنتى - ەلباسى قورى جىل سايىن 1,5 ميلليون كولەمىندە ارنايى نوميناتسيا تاعايىندايدى. ماسەلەن، 2015 -جىلى «ماڭگىلىك ەل» اتالىمىنداعى شىعارما اۆتورى، 2016 -جىلى «قازاقستان رەسپۋبليكاسىنىڭ تاۋەلسىزدىگىنە 25 جىل» اتالىمى بويىنشا جەڭىمپاز جانە بىلتىر «رۋحاني جاڭعىرۋ» باعدارلاماسىن جۇزەگە اسىرۋ ماقساتىنداعى «تۋعان ەل» تاقىرىپتىق اتالىمدارى ماراپاتتالدى. بيىل بايقاۋ ءتورتىنشى رەت وتۋدە جانە استانانىڭ 20 جىلدىعىنا ارنالادى.
«التىن توبىلعى» بايقاۋى ەلىمىزدىڭ بارلىق وڭىرلەرىنەن 17 جاڭا جاس جازۋشىلاردىڭ اتىن شىعاردى، ولار ءوز شىعارمالارى ءۇشىن اقشالاي سىيلىققا يە بولدى جانە شىعارمالارىن جارىققا شىعارۋعا مۇمكىندىك الدى. ۇزدىك دەپ تانىلعاندار ىشىندە: وسكەمەننەن اراي ەرتارگىنوۆا، الماتىدان كرەتوۆا تاتيانا، الماتى وبلىسىنان ماقپال مىسا، استانادان ءالماش ايسۋلۋ، تالدىقورعاننان ەسبولات ايدابوسىن ، سەمەيدەن قارت مەرەي، شاحتينسكىدەن الەكسەي ۆارزايەۆتار بار. بىلتىر لاۋرەتتاردىڭ شىعارمالارى ارنايى باسىلىممەن كىتاپ تۇرىندە جارىق كوردى.
«بايقاۋدىڭ باستى ماقساتى قازىرگى قازاقستاندىق جاس جازۋشىلارعا قولداۋ كورسەتۋ جانە ىنتالاندىرۋ. ولارعا ءوز ەسىمدەرىن شىعارىپ جانە حالىققا كوركەم شىعارمالارىن تانىستىرۋعا ۇلكەن مۇمكىندىك بەرۋ»، - دەدى سۇلتان ايتجانوۆ.
بايقاۋعا ەلىمىزدىڭ 18-35 جاس ارالىعىنداعى جاس دارىندار قاتىسا الادى جانە بۇدان بۇرىن ەش جەردە جاريالانباعان تۋىندىلار عانا قابىلدانادى.
«التىن توبىلعى» سىيلىعى «ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «ۇزدىك بالالارعا ارنالعان شىعارما» سياقتى ءتورت نوميناتسيا بويىنشا تاعايىندالعان. ءاربىر نوميناتسيانىڭ جەڭىمپازىنا 1 ميلليون تەڭگە سىياقى بەرىلەدى. سونىمەن قاتار، بيىلعى جىلى «استانانىڭ 20 جىلدىعىنا ارنالعان ۇزدىك شىعارما» اتتى ارنايى تاقىرىپتىق نوميناتسيا جاريالاندى. بۇل نوميناتسيا بويىنشا سىياقى 1,5 ميلليون تەڭگە كولەمىندە بەلگىلەندى.
شىعارمالاردى ەلىمىزدىڭ تانىمال مادەنيەت قايراتكەرلەرى، اقىن- جازۋشىلار مەن جۋرناليستەرىنەن قۇرالعان قازىلار القاسى ساراپتايتىن بولادى.
بايقاۋعا ۇسىنىلعان جۇمىستار جانرعا سايكەستىك، ويلاۋ دەربەستىگى، اۆتورلىق ۇستانىم، بايانداۋ رەتتىلىگى مەن ماعىنالىلىعى، يدەيا ەرەكشەلىگى، ادەبي- كوركەم قۇندىلىعى، كوركەمدىك قيال مەن شىعارماشىلىق كوزقاراس، ەستەتيكالىق اسەر تەرەڭدىگى سياقتى ولشەمدەر بويىنشا باعالانادى. بايقاۋعا ۇسىنىلعان تۋىندىلاردى باعالاۋ ادىلدىگى بارىنشا جەتىلدىرىلگەن. شىعارما لاقاپ اتپەن قابىلدانىپ، ساراپتاۋ كەزىندە قازىلار القاسى شىعارمالار اۆتورلارىنىڭ ەسىمدەرىن بىلمەيتىن بولادى.
وتىنىمدەر 2018 -جىلعى 1 - شىلدە مەن 1 - قاراشا ارالىعىندا قابىلدانادى. جەڭىمپازدار ەسىمى (سىيلىق لاۋرەاتتارى) 2018 ج. جەلتوقسان ايىندا جاريالانادى. تولىق اقپاراتپەن www.fpp.kz سايتىنان تانىسۋعا بولادى.
قازاقستان رەسپۋبليكاسى تۇڭعىش پرەزيدەنتى - ەلباسى قورى - 2000 -جىلى نۇرسۇلتان نازاربايەۆتىڭ جەكە باستاماسىمەن قۇرىلعان كوممەرتسيالىق ەمەس ۇيىم. قور الەۋمەتتىك، قايىرىمدىلىق، مادەني، ءبىلىم بەرۋ جانە باسقا دا قوعامعا پايدالى جوبالاردى ىسكە اسىرىپ كەلەدى.
madeniportal.kz