ەرجان شىنكەيەۆ «قازاقستان بارىسى»-2018 اتاعىن جەڭىپ الدى

استانا. قازاقپارات - استانا تورىندەگى «بارىس ارەنا» سپورت كەشەنىندە ءوتىپ جاتقان «قازاقستان بارىسى» VIII رەسپۋبليكالىق تۋرنيرىندە ەرجان شىنكەيەۆ چەمپيون اتاندى، دەپ حابارلايدى قازاقپارات ءتىلشىسى.

ەرجان شىنكەيەۆ فينالدا «اسكەر بارىسى» ەراسىل قاجىبايەۆتى ايقىن باسىمدىلىقپەن ۇتىپ، «قازاقستان بارىسى-2018» اتاعىنىڭ يەگەرى اتاندى. وسىلايشا قاجىبايەۆ كۇمىس بەلبەۋدى ايبەك نۇعىماروۆ قولا بەلبەۋدىڭ يەگەرى اتاندى.

ايتا كەتەيىك، ەرجان شىنكەيەۆ وسىعان دەيىن «قازاقستان بارىسىندا» ءبىر رەت كۇمىس بەلبەۋدى جەڭىپ العان بولاتىن. مىنە، بۇل ونىڭ اتالعان تۋرنيردەگى ەكىنشى ءىرى جەڭىسى.

وسىلايشا، ەرجان شىنكەيەۆكە التىن بەلبەۋ مەن التىننان قۇيىلعان «تايتۇياق» جانە 25 ميلليون تەڭگە تابىستالدى. ال باپكەرى 3,5 ميلليون تەڭگەگە يەلىك ەتتى. ەكىنشى جانە ءۇشىنشى ورىنعا سايكەسىنشە كۇمىس جانە قولا بەلبەۋ تاپسىرىلدى. Ⅲ ورىن العان بالۋانعا 1,8 ميلليون تەڭگە، ال ونىڭ باپكەرىنە 900 مىڭ تەڭگە تابىستالدى. ال Ⅱ ورىن ءۇشىن 5,5 ميلليون تەڭگە، ونىڭ باپكەرىنە 1,8 ميلليون تەڭگە بەرىلدى.

اۆتور: كۇنسۇلتان وتارباي