وليمپيادا-2018: ايزا مامبەكوۆا جارىستان كەيىنگى اسەرىمەن ءبولىستى

None
None
پحەنچحان. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان XXⅢ قىسقى وليمپيادا ويىندارىندا مانەرلەپ سىرعاناۋدان قىسقا باعدارلامادا ونەر كورسەتكەن وتانداسىمىز ايزا مامبەكوۆا ءوز ويىمەن ءبولىستى، دەپ حابارلايدى قازاقپارات ءتىلشىسى.

«وتە كەرەمەت سىرعانادىم دەپ ايتا المايمىن. دەسە دە، بۇل - ءوز ەسەبىم بويىنشا وسى ماۋسىمداعى ەڭ ءساتتى كورسەتكەن ونەرىمنىڭ ءبىرى. وليمپيادا الدىندا جاراقات الىپ، ەم العانىمدى جاقسى بىلەسىزدەر. كورەياعا ءۇشىپ كەلگەننەن كەيىن دە جاراقاتىم وزىمە سەزىلە باستادى. ءبىراق، مەن ونىڭ بارلىعىن نازارىما الماي، ءوزىمدى «مەندە ەشقانداي جاراقات جوق، ساۋمىن» دەپ جىگەرلەندىرىپ، جارىسقا شىعۋدى ماقسات ەتتىم. مىنە، وزدەرىڭىز كورگەندەي مۇز ايدىندا ەركىن سىرعانادىم. بارىنشا قاتەلىكتەرگە بوي الدىرماۋعا تىرىستىم. ەندى جارىستىڭ سوڭىن كۇتۋىمىز كەرەك»، - دەپ اتاپ ءوتتى ايزا مامبەكوۆا.

ەستەرىڭىزگە سالا كەتەيىك، ايزا مامبەكوۆا مانەرلەپ سىرعاناۋدان قىسقا باعدارلامادا سىنعا ءتۇسىپ، 44.40 ۇپاي ەنشىلەگەن بولاتىن. كەلەسى بولىپ تاعى ءبىر وتانداسىمىز ەليزابەت تۇرسىنبايەۆا شىعادى.

 

اۆتورى كۇنسۇلتان وتارباي

سوڭعى جاڭالىقتار