10:30, 21 - اقپان 2018 | GMT +6
وليمپيادا-2018: قازاق قىزى ايزا مامبەكوۆا قىسقا باعدارلامادا ونەر كورسەتتى - فوتو
پحەنچحان. قازاقپارات - بۇگىن وڭتۇستىك كورەيانىڭ پحەنچحان قالاسىندا ءوتىپ جاتقان XXⅢ قىسقى وليمپيادا ويىندارىندا ايزا مامبەكوۆا قىسقا باعدارلامادا ونەر كورسەتتى، دەپ حابارلايدى قازاقپارات ءتىلشىسى.
قازاقستاندىق مانەرلەپ سىرعاناۋشى مۇز ايدىنعا 9- بولىپ شىعىپ، 44.40 ۇپاي ەنشىلەدى. ەندى ول ەرتەڭ ەركىن باعدارلامادا جارىستى ارى قاراي جالعاستىرۋ ءۇشىن جارىسقا قاتىسىپ جاتقان 30 سپورتشىنىڭ ىشىنەن ۇزدىك 24 -ورىنعا كىرۋى كەرەك.
ايتا كەتەيىك، ساناۋلى مينۋتتاردان كەيىن، جارىس الاڭىنا تاعى ءبىر وتانداسىمىز ەليزابەت تۇرسىنبايەۆا شىعادى. ول مۇز ايدىندا 23- بولىپ ونەر كورسەتەدى.
اۆتورى كۇنسۇلتان وتارباي