وليمپيادا-2018: نورۆەگيا گەرمانيانى باسىپ وزدى

پحەنچحان. قازاقپارات - وڭتۇستىك كورەيادا ءوتىپ جاتقان وليمپيادا ويىندارىندا كەشە كەشتەگى قورتىندى بويىنشا نورۆەگيا قۇراماسى گەرمانيانى باسىپ وزدى، دەپ حابارلايدى قازاقپارات ءتىلشىسى.

ال، ازىرگە قازاقستان قۇراماسىندا فريستايلشى يۋليا گالىشەۆا جەڭىپ العان جالعىز قولا مەدالمەن جالپى ەسەپتە 25- ورىندا كەلەدى.

بۇگىنگى كۇننىڭ جالپى قورىتىندىسى بويىنشا جالپى ەسەپتە ءبىرىنشى ورىنعا نورۆەگيا قۇراماسى كوتەرىلدى. ولار 9 التىن، 9 كۇمىس جانە 8 قولا (26) مەدالمەن كوش باستادى. ال ەكىنشى ورىنعا جايعاسقان گەرمانيا ەلىنىڭ قورجىنىندا ازىرگە 9 التىن، 5 كۇمىس جانە 4 قولا جالپى (18) مەدال بار. گەرمانيا ەلى نورۆەگيادان التىن مەدالدار سانى تەڭ بولعانىمەن كۇمىس، قولا مەدالدار سانى جاعىنان قالىپ كەلەدى.

ال ۇزدىك ءۇشىنشى ورىندى نيدەرلاندى ەلىنىڭ قۇراماسى تۇيىندەپ تۇر. ولاردىڭ ەنشىسىندە 6 التىن، 5 كۇمىس جانە 2 قولا مەدال (13) بار. ال ءتورتىنشى ورىندا كەلە جاتقان كانادا قۇراماسىنىڭ ەنشىسىندە 5 التىن، 5 كۇمىس جانە 6 قولا (16) مەدال بولسا، ۇزدىك بەستىكتى تۇيىندەپ تۇرعان ا ق ش قۇراماسىنىڭ قورجىنىندا 5 التىن، 3 كۇمىس جانە 2 قولا (10) مەدال بار.

ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مادال جيىنتىعى ساراپقا سالىنادى. جارىس 25-اقپاندا ءوز مارەسىنە جەتەدى.