وليمپيادا-2018: دەنيس تەن قىسقا باعدارلامادا ونەر كورسەتتى

پحەنچحان. قازاقپارات - بۇگىن وڭتۇستىك كورەيانىڭ پحەنچحان قالاسىندا ءوتىپ جاتقان  23 - قىسقى وليمپيادا ويىندارىندا دەنيس تەن قىسقا باعدارلامادا ونەر كورسەتتى، دەپ حابارلايدى قازاقپارات ءتىلشىسى.

قازاقستاندىق مانەرلەپ سىرعاناۋدىڭ جۇلدىزى، سوچي وليمپياداسىنىڭ قولا جۇلدەگەرى، الەم چەمپيوناتىنىڭ كۇمىس جانە قولا جۇلدەگەرى، سونداي- اق، الماتىدا وتكەن 28-قىسقى ۋنيۆەرسيادانىڭ چەمپيونى دەنيس تەن قىسقا باعدارلامادان 70,12 (30,77 +39,35) ۇپاي جينادى.

ول 30 مانەرلەپ سىرعاناۋشىنىڭ ىشىنەن ءتورتىنشى بولىپ مۇز ايدىنعا شىقتى. ەندى، ول ەرتەڭ ەركىن باعدارلامادا جارىستى ارى قاراي جالعاستىرۋ ءۇشىن وسى 30 سپورتشىنىڭ ىشىنەن ۇزدىك 24 ورىنعا كىرۋى كەرەك.

اۆتور: كۇنسۇلتان وتارباي