وليمپيادا-2018: گالىشەۆا جارىستان كەيىنگى اسەرىمەن ءبولىستى
«ەڭ باستىسى العاشقى مۇمكىندىگىمدى ءمۇلت جىبەرمەي، بىردەن فينالعا ءوتتىم. ەگەر بۇگىن وسىنداي جاقسى ناتيجە كورسەتە الماعانىمدا 11 -اقپان كۇنى ەكىنشى رەت قايتا ىرىكتەۋگە قاتىساتىن ەدىم. ەندى الدا فينال. سوعان تىڭعىلىقتى دايىندالۋىم كەرەك»، - دەدى گالىشەۆا.
ول سونداي-اق، بۇگىنگى سايىسىندا قاردىڭ كۇن نۇرىنا شاعىلىسۋىنان باعىتىن دۇرىس كورە الماي قالعانىن ايتتى.
«بۇگىن اۋا رايى جىلى جاقسى بولعانىمەن مەن سايىسقا شىعاردا كۇن تۋرا الاڭعا قارسى باعىتتا بولدى. ول ماعان كەرى اسەرىن تيگىزدى. ەكىنشى ىرىكتەۋدەن ەندى تاعى تۋرا وسىلاي 10 قىز فينالعا شىعادى. سوسىن 20 سپورتشى اراسىنداعى ەڭ مىقتىلارى مەدال ءۇشىن تالاسادى. بۇيىرسا، مەندە بارىمدى سالاتىن بولامىن»، - دەدى ول.
ەسكە سالا كەتەيىك، بۇگىن قازاقستاندىق فريستايلشى يۋليا گالىشەۆا 23- قىسقى وليمپيادا ويىندارىندا ويىندارىندا ءبىرىنشى بولىپ فينالعا شىققاندىعى تۋرالى حابارلاعان بولاتىنبىز.
كۇنسۇلتان وتارباي
