قازاقستاندا 2018-جىلى قانشا مۇناي وندىرىلەدى؟
ونىڭ اتاپ وتۋىنشە، مۇناي ءوندىرۋ كولەمى 2017-جىلعى دەڭگەيدەن كەم بولماۋى ءتيىس.
«بىرىنشىدەن، بارشامىزدى قۇتتىقتاپ، ءبىزدىڭ مۇنايشىلارعا العىسىمىزدى ايتۋعا بولادى. 86,2 ميلليون توننا كولەمىندەگى شيكىزات رەكوردتىق كورسەتكىش بولىپ وتىر. بۇل ءوز كەزەگىندە (2017-جىلى) 4 پايىزدىق جالپى ىشكى ءونىم وسىمىنە جەتۋىنە ايتارلىقتاي اسەر ەتتى. بيىلعا ەنەرگەتيكا مينيسترلىگىندەگى ارىپتەستەرىمىز مۇناي ءوندىرۋ كولەمى شامامەن وسى دەڭگەيدە بولاتىنىن نەمەسە ءبىرشاما جوعارى وندىرىلەتىنىن جوسپارلاپ وتىر. ماكروبولجامدى تالقىلاۋ كەزىندە ەنەرگەتيكا مينيسترلىگى ناقتى كورسەتكىشتەردى جاريالايدى»، - دەدى ت. سۇلەيمەنوۆ ۇكىمەت وتىرىسىنان كەيىن.
ال مۇناي باعاسىنا بولجام تۇرعىسىندا ۇلتتىق ەكونوميكا ءمينيسترى باررەلىنە 45 دوللار كولەمىندەگى رەسمي ماكروبولجامعا سىلتەمە جاسادى.
بۇدان بۇرىن حابارلانعانداي، تيمۋر سۇلەيمەنوۆ 2017-جىلى قازاقستاندا جالپى ىشكى ءونىمنىڭ ءوسىمى 4 پايىزدى قۇراعانىن ايتقان ەدى.
