ايگىلى جۇلدىزشى تامارا گلوبا 2018 -جىلى قازاقستاندا بولاتىن ۇلكەن وزگەرىستەردى اتادى

ماسكەۋدە وتىرىپ قازاقستاننىڭ بولاشاعىن بولجاعاناسترولوگ ك ت ك ارناسىنىڭ جۋرناليستەرىنە سۇحبات بەرگەن.

«بىرىنشىدەن، 2018 -جىلى ۇلكەن وزگەرىستەردىڭ باستاۋى بولعالى تۇر. ول وزگەرىس 2019 -جىلعا دەيىن جالعاسادى دەپ ايتا الامىن. سەبەبى وسى ەكى جىلدا ۇلكەن اۋىسۋ، وزگەرىس ورناۋ باستالىپ، تولىقتاي اياقتالادى.

كوپشىلىك مۇنى توقىراۋ دەپ اتايدى، ءبىراق، ول كەزدى الەمنىڭ قايتا قۇرىلۋى دەپ اتاسا دا بولادى. 2018 -جىلدىڭ مامىرىنان باستاپ الەمدە قارجى ماسەلەسىنە وراي ۇلكەن وزگەرىس كەزەڭى باستالادى. جاڭا قارجى جۇيەسى قۇرىلادى.

ول تەك ەۋروپا، ازياعا عانا ەمەس بۇكىل الەمگە قاتىستى. الداعى 8 جىلدا الەم قايتا قۇرىلادى دەسەك بولادى. بۇل ارينە ەنەرگەتيكا مەن اقپاراتتىق قۇرىلىمعا قاتىستى دۇنيە. بۇل وزگەرىستەر جازعا قاراي باستالادى. قازاقستاندا باستالعان ۇلكەن وزگەرىس تەك 2019 -جىلدارى اياقتالادى.

2018 -جىل شىعىس كۇنتىزبەسى بويىنشا- يت جىلى، باتسى كۇنتىزبەسىندە- ۆەنەرا. ياعني بۇل جىلى ايەلدەردىڭ قوعامداعى، الەمدەگى بايلانىس، ماڭىزدى وقيعالاردا الاتىن ءرولى ۇلكەن بولماق.

كەي ايەلدەر لاۋازىمدى، ەڭ ماڭىزدى دۇنيەلەردى باسقارادى. قازاقستاندا دا ايەلدەردىڭ ءرولى ارتىپ الەمدىك ساياساتتا ماڭىزدى شەشىمدەر قابىلدايدى. بيلىككە وتىرۋى مۇمكىن»، - دەيدى تامارا گلوبا.