13:59, 23 - قاراشا 2017 | GMT +5
پحەنچحان 2018-جىلعى وليمپيادا ويىندارىنا تولىقتاي دايىن
استانا. قازاقپارات - حالىقارالىق وليمپيادا كوميتەتى (ح و ك) وڭتۇستىك كورەيالىق پحەنچحاندى 2018-جىلعى وليمپيادا ويىندارىنا تولىقتاي دايىن دەپ تانىدى.
بۇل تۋرالى ح و ك رەسمي سايتىندا ءمالىم ەتىلگەن، دەپ حابارلايدى «قازاقپارات» ح ا ا.
«سپورتتىق نىساندار سالىنىپ بىتكەن، وليمپيادا اۋىلى دايىن، وليمپيادا الاۋىنىڭ ەستافەتاسىنا بۇكىل وڭتۇستىك كورەيا تۇرعىندارى قىزىعۋشىلىق تانىتىپ جاتىر. بۇل جارىس سپورتشىلار ءۇشىن دە، جانكۇيەرلەر ءۇشىن دە ۇمىتىلماس وقيعا بولماق»، - دەدى ح و ك ۇيلەستىرۋ كوميسسياسىنىڭ ءتوراعاسى گۋنيللا ليندبەرگ.
«وليمپيادانىڭ باستالۋىنا 79 كۇن قالدى، ءبىز الەمدى قارسى الۋعا دايىنبىز»، - دەدى 2018-جىلعى وليمپيادا ويىندارى ۇيىمداستىرۋ كوميتەتىنىڭ باسشىسى لي حي بوم.
ەسكە سالا كەتسەك، 2018-جىلعى وليمپيادا ويىندارى پحەنچحاندا 9-28- اقپان ارالىعىندا وتەدى.
