قىتاي 2018-جىلى بەسىنشى تولقىنعا ارنالعان تەحنولوگياسىن ىسكە قوسپاق
استانا. قازاقپارات - قىتايدا 2018-جىلى بەسىنشى تولقىنعا ارنالعان 5G- ۇيالى بايلانىس جۇيەسى ىسكە قوسىلماق.
بۇل كوممەرتسيالىق جوبانى قىتايدىڭ ءىرى ءۇش تەلەكوممۋنيكاتسيالىق وپەراتورى China Mobile, China Telecom جانە China Unicom بىرلەسىپ ىسكە قوسپاق، دەپ حابارلايدى شينحۋا.
جاڭا تولقىندىق جۇيەنىڭ جاپپاي قولدانىلۋى 2020-جىلعا قاراي باستالادى. China Telecom ۇيالى بايلانىس كومپانياسىنىڭ گۋانجوۋ ينستيتۋتىنىڭ ديرەكتورى ۆان تسينياننىڭ ايتۋىنا قاراعاندا، كورپوراتسيا جاڭا تەحنولوگيانى 2018-جىلدان باستاپ سىناقتان وتكىزە باستايدى.
قازىردىڭ وزىندە China Telecom يننوۆاتسيالىق جوبانىڭ ەكسپەريمەنتالدى نۇسقاسىن لانجوۋ، چەندۋ، شەنچجەن، سۋجوۋ جانە شاڭحاي سياقتى ەلدىڭ ءبىرقاتار قالالارىنا قوسقان.
China Mobile كومپانياسىنىڭ 5G بىرلەسكەن يننوۆاتسيالىق ورتالىعى 2016-جىلى قىتاي مەن شەت ەلدەردە 12 زەرتحانا اشقان. تەحنولوگيانى ازىرلەۋگە 112 ۇيىمنىڭ قىزمەتكەرلەرى تارتىلعان.
