قازاقستان ۇشقىشتارى 2018 - جىلى سيفرلىق كۋالىك الادى

استانا. قازاقپارات - ق ر  ي د م ازاماتتىق اۆياتسيا كوميتەتى ۇشاقتى باسقارۋعا رۇقسات بەرەتىن كۋالىگى بار قازاقستاندىق ۇشقىشتاردىڭ سانىن ءمالىم ەتتى، دەپ حابارلايدى «قازاقپارات» ح ا ا ءتىلشىسى.

ا ا ك مالىمەتىنە سۇيەنسەك، قازىرگى ۋاقىتتا قازاقستاندا ۇشقىش كۋالىكتەرىنە 2133 ادام يە. «اۋە كەمەسىن باسقارۋعا 2133 ۇشقىش قۇقىلى. 798 ۇشقىشتىڭ كۋالىگى بولعانىمەن، حالىقارالىق تاجىريبەگە سايكەس ۋاقىتشا ۇشۋعا قاتىسپايدى»، - دەپ حابارلادى ا ا ك.

 كوميتەت حابارلاعانداي، حالىقارالىق ستاندارتتار مەن قازاقستان زاڭنامالارى تالاپتارىنا سايكەس، ۇشقىش كۋالىگى 5 جىل مەرزىمگە بەرىلىپ، جىل سايىن اۋە كەمەسىن باسقارۋ مەرزىمى ۇزارتىلىپ وتىرادى.

 «كەي جاعدايلاردا ۇشقىشتار ءتۇرلى سەبەپتەرمەن 5 جىلدىق كەزەڭ ىشىندە ۇشقىش كۋالىگىنىڭ مەرزىمىن ۇزارتا الماي جاتادى. رۇقساتى جوق مۇنداي ۇشقىشتاردى اۋە كومپانياسى ۇشاق باسقارۋعا جىبەرمەيدى. بۇعان قوسا، ولار ۇشقىش كۋالىگىنە يە بولا تۇرا، ءتيىستى دايىندىقتاردان ءوتۋ ناتيجەسىندە اۋە كەمەسىن باسقارۋعا قايتادان جىبەرىلۋى مۇمكىن»، - دەلىنگەن ا ا ك حابارلاماسىندا.

ايتا كەتۋ كەرەك، ق ر ي د م ازاماتتىق اۆياتسيا كوميتەتى كەلەسى جىلى ۇشقىشتار كۋالىگىن سيفرلىق تاسىمالداۋ جۇيەسىنە اۋىستىرىپ، اۋە قىزمەتكەرلەرىنىڭ مالىمەتتەرىن اۆتوماتتاندىرۋدى جوسپارلاپ وتىر. كوميتەت اتالعان شارا ۇشۋ قۇرامىن باقىلاۋعا الۋدى ءتيىمدى ەتەدى دەپ ەسەپتەيدى.