ەۆرو-2018: قازاقستاننىڭ جاس وسپىرىمدەر قۇراماسى ىرىكتەۋ سىنىندا سلوۆەنيادان جەڭىلىپ قالدى

استانا. قازاقپارات - قازاقستاننىڭ 17 جاسقا دەيىنگى جاستار قۇراماسى ەۆرو-2018 ىرىكتەۋ سىنىندا سلوۆەنيادان جەڭىلىپ قالدى، دەپ جازادى Sports.kz.

جەرلەستەرىمىز 1:0 ەسەبىمەن ەسە جىبەردى. ويىنداعى جالعىز گولدىڭ اۆتورى - نيك پرەلەتس (22-مينۋت). 6 توپتىڭ ەكىنشى ويىنىندا فرانسيا بەلارۋستى جەڭدى - 3:1. وسىلايشا ەكى ويىن ناتيجەسى بويىنشا قازاقستاندىق جاستار سوڭعى ورىندا تۇر.

25- قازان كۇنى وتەتىن سوڭعى ويىندا فرانسيا سلوۆەنيامەن، قازاقستان بەلارۋسپەن كەزدەسەدى.

ەكى ويىننان كەيىنگى كوماندالار ۇپايى: فرانسيا - 6 ۇپاي، سلوۆەنيا - 6، بەلارۋس - 0، قازاقستان - 0.

تۋرنير ەرەجەسى بويىنشا ەليتالىق راۋندقا ءار توپتىڭ العاشقى ەكى كومانداسى جانە ءۇشىنشى ورىن العان كوماندالاردىڭ تورتەۋى وتەدى. ەۋروپا چەمپيوناتىنىڭ فينالدىق كەزەڭى 2018-جىلدىڭ 4-20- مامىر ارالىعىندا انگليادا وتەدى.