باياناۋىل ايرودرومى 2018 -جىلى تولىق پايدالانۋعا بەرىلەدى
دەپ حابارلايدى قازاقپارات.
«باياناۋىل تابيعي پاركىنىڭ تارتىمدىلىعىن ارتتىرۋ ماقساتىندا تاۋ شاڭعى تراسساسى سالىنىپ، جاسىباي كولىنىڭ جاعاجايى اباتتاندىرىلدى، سۋبۇرقاق سالىندى. شاعىن اۆياتسيا ارنالعان ايرودروم سالىنۋدا. اعىمداعى جىلى مارالدى كولىندە جاڭا تۋريستىك ماۋسىم اشىلىپ، التاي ولكەسىنىڭ ياروۆوە كۋرورتتى ايماعىنا باسەكەلەستىك جاسادى. جازعى ماۋسىمنىڭ شىرقاۋ شەگىندە بۇل كولدە كۇنىنە 2,5 مىڭنان استام ادام دەم الدى»، - دەدى بولات باقاۋوۆ.
ونىڭ ايتۋىنشا، كەلەسى جىلى باياناۋىل باعىتىندا ەكى اۆياكومپانيا رەيستەردى جولعا قويۋدى جوسپارلاپ وتىر.
«مەن تاياۋدا عانا ەكى ادامدىق ۇشاقپەن بارىپ قايتتىم. بۇگىندە ول جەردە شاعىن ۇشاقتاردى قابىلداۋعا دايىنبىز. ايرودروم قورشالعان. كۇتۋ عيماراتى سالىنىپ جاتىر. كەلەسى جىلى ول استانا- باياناۋىل، قاراعاندى- باياناۋىل جانە پاۆلودار- باياناۋىل باعىتتارىنان شاعىن ۇشاقتاردى قابىلداپ، جۇمىسىن باستايدى. باستاپقى ەكى باعدار رەسپۋبليكالىق بيۋدجەتتەن، ال ىشكى رەيس وبلىس بيۋدجەتىنەن سۋبسيديالاناتىن بولادى. ۇشۋلاردى جۇزەگە اسىرۋعا 2 اۆياكومپانيا دايىن»، - دەدى وبلىس باسشىسى.
ءوڭىر باسشىسىنىڭ سوزىنە قاراعاندا، بيىل باياناۋىل اۋدانىن دامىتۋعا 5 ميلليارد تەڭگەدەن استام قارجى جۇمسالعان.
«بۇل رەسپۋبليكاداعى ورتالىق سۋمەن قامتاماسىز ەتۋ جۇيەسى تارتىلماعان جالعىز اۋدان بولاتىن. اعىمداعى جىلى سۋ قۇبىرىنىڭ قۇرىلىسىن باستاپ، جولداردى جارىقتاندىرۋدى جۇرگىزۋدەمىز، ورام ىشىلىك جولدار دا جوندەلىپ جاتىر. مۇنان بولەك 110 ورىنعا ارنالعان جاڭا بالاباقشانىڭ قۇرىلىسى اياقتالۋعا تاياۋ»، - دەدى ول.
اۆتور: مارلان جيەمباي
