قازاقستان 2018-جىلعى الەم چەمپيوناتىنىڭ ىرىكتەۋ ويىنىندا ارمەنياعا ۇتىلدى

استانا. قازاقپارات - قازاقستان قۇراماسى الەم چەمپيوناتى-2018 جارىسىنىڭ ەرەۆاندا وتكەن ىرىكتەۋ ويىنىندا ارمەنياعا 0:2 ەسەبىمەن جول بەردى، دەپ حابارلايدى Sports.kz.

كيپردەگى جەڭىلىستەن سوڭ جولداستىق كەزدەسۋدە كوپتەگەن قازاق جانكۇيەرلەرىنىڭ ەڭسەسى ءتۇسىپ كەتكەن بولاتىن، سوعان قاراماستان ارمياندارعا قارسى شىققان كەزدە جەڭىستەن ۇمىتتەنگەن-اق ەدى.

الەكساندر بوروديۋك كيپردە جەڭىلىپ قالعان قۇرامانى ەش وزگەرتپەستەن وسى جولى دا قايتا قويدى. تەك قاقپاشىنى عانا الماستىرىپ، بۇل جولى قاقپادا داۆيد لوريا تۇردى.

بۇل كەزدەسۋگە العان جاراقاتىنا بايلانىستى جەتەكشى قورعاۋشى يۋري لوگۆينەنكو قاتىسا المادى. 10- ماۋسىم كۇنى قازاقستان ءوز الاڭىندا دانيانى قابىلدايدى.

گولدار:

محيتاريان 73 (1:0) ، وزبيليز 75 (2:0)