تاماشا ويىن كورسەتكەن قازاق مانەرلەپ سىرعاناۋشى وليمپيادا - 2018 گە قاتىسۋدى ارماندايدى - كەسكىن
سپورتشى «الماتى ارەنانىڭ» مۇز ايدىنىنا شىققاندا زالعا جينالعان جانكۇيەرلەردىڭ قوشەمەتىنەن قۇلاق تۇندى. «ۇلىتاۋ» توبىنىڭ ورىنداۋىنداعى داۋلەتكەرەيدىڭ «كوروعلى» كۇيىنىڭ سۇيەمەلدەۋىمەن ايزانىڭ ورىنداعان تاپسىرماسى كورەرمەندەر رۋحىن كوتەرىپ تاستادى.
ءبىراق قورىتىندى ەسەپ بويىنشا 13- ورىننان كورىنگەن جاس سپورتشى «الار اسۋىم ءالى الدا» دەپ وتىر. - ۇلكەن قاتەلىكسىز سىرعاناعانىما قۋانىپ وتىرمىن. تولقىعانىم راس. بارلىعىن ءمىنسىز ورىنداپ شىقتىم دەپ ايتا المايمىن. قىسقا باعدارلاما الدىندا تولقۋىمنىڭ كەسىرىنەن وسىلاي بولدى دەپ ويلايمىن. بۇل مەن ءۇشىن الداعى جارىستاردا ۇلكەن ساباق بولماق. ۋنيۆەرسياداداعى ونەرىمە ءوزىمنىڭ كوڭىلىم تولدى. جانكۇيەرلەردىڭ ماعان دەگەن قوشەمەتىن ەشقاشان ۇمىتپاسپىن. جەكە باعدارلاماعا ءان مەن كيىم ۇلگىسىن تاڭداۋدا اقىل-كەڭەستەرىن بەرگەن باپكەرلەرىمە جانە اتا-اناما العىسىمدى ايتامىن. كەلەسى ايدا ناگانادا وتەتىن ازيا ويىندارىنا قاتىسامىن. سول جەردە بارىنشا ۇلكەن ناتيجە كورسەتۋگە تىرىسامىن. بار كۇشىمدى جاقسى ونەر كورسەتۋگە جۇمسايمىن. ال بولاشاقتاعى ارمانىم- وليمپيادا - 2018 ويىندارىنا قاتىسۋ، دەدى مانەرلەپ سىرعاناۋشى almaty2017.com سايتىنا بەرگەن سۇحباتىندا.
