قازاقستاندىق حوككەيشى قىزدار 2018-جىلعى وليمپياداعا قاتىسپايدى

استانا. قازاقپارات - قازاقستاننىڭ حوككەيدەن ايەلدەر قۇراماسى نورۆەگيانىڭ ستاۆانگەردەگى وتكەن 2018-جىلعى وليمپياداعا بىلىكتىلىك راۋندىنىڭ ەكىنشى ماتچىندا نورۆەگيا قۇراماسىنا ەسە جىبەردى، دەپ حابارلايدى Sports.kz.

ءبىرىنشى جانە ەكىنشى كەزەڭدە نورۆەگ قىزدارى ءبىر-ءبىر شايبادان سالدى: الدىمەن ماتەيا فيشەر، كەيىن ينگريد مورسەت كوزگە ءتۇستى. ۇشىنشىدە ولار باسىمدىعىن ارتىرا ءتۇستى. ميلليە سيرۋم، لينە ويەن بياليك پەن يوسەفينە بيسەت ەنگمانن ءبىر شايبادان قاقپاعا سالدى.

قازاقستان قۇراماسى بىلىكتىلىك تۋرنيرىنىڭ باستاپقىسىندا ەكى مارتە ۇتىلدى، ياعني ىرىكتەۋدىڭ سوڭعى كەزەڭىنە ءوتۋ جانە 2018-جىلعى پحەنچحاندا وتەتىن وليمپياداعا بارۋ مۇمكىندىگىنەن ايىرىلدى.

ەسكە سالا كەتسەك، سوڭعى ىرىكتەۋگە باستاپقى تۋرنيردە ءبىرىنشى ورىن العان كوماندالار عانا قاتىسادى. بۇگىن قازاقستان ۆەنگريا قۇراماسىمەن كەزدەسەدى.

نورۆەگيا - قازاقستان 5:0 (1:0, 1:0, 3:0)

شايبالار: 1:0 - 13:01 فيشەر (حولوس).

تەڭ قۇرامدا 2:0 - 25:12 مورسەت (دالەن، سيرۋم).

تەڭ قۇرامدا 3:0 - 48:00 سيرۋم (ەنگمانن).

تەڭ قۇرامدا 4:0 - 48:28 بياليك (فيشەر).

تەڭ قۇرامدا 5:0 - 57:59 ەنگمانن (فيشەر، ولافسەن).

تەڭ قۇرامدا قاقپاشىلار: نيۋسترەم - دميتريەۆا.