قازاقستان حوككەيشىلەرى وليمپيادا-2018 ىرىكتەۋ ويىنىندا يتاليا قۇراماسىن جەڭدى

استانا. قازاقپارات - حوككەيدەن قازاقستان قۇراماسى 2018-جىلى وتەتىن وليمپيادا ويىندارىنىڭ سوڭعى بىلىكتىلىك تۋرنيرى اياسىندا F توبىنداعى قورىتىندى ماتچىن يتالياعا قارسى وتكىزىپ، 3:2 ەسەبىمەن جەڭىسكە جەتتى، دەپ حابارلادى Sports.kz.

قازاقستان قۇراماسىنىڭ ويىنشىلارى: كولەسنيك - سەمەنوۆ- داللمەن، بوچەنسكي-ستارچەنكو-كۋچين؛ ساۆچەنكو-ترياسۋنوۆ، حۋدياكوۆ-شين-رىماريەۆ؛ ليپين-لاكيزا، بەلگىبايەۆ- پۋشكارەۆ- يۆانوۆ؛ يبرايبەكوۆ، گرەنتس-ميحايليس.

العاشقى ەكى كەزەڭدە كوماندالار كەزەك-كەزەك ءبىر-ءبىرىنىڭ قاقپاسىنىڭ وسال تۇسىن ءدال تاپتى. الدىمەن يتالياندىق دجۋليو سكاندەللو شايبا سالسا، وعان قارىمتا جاۋاپتى ماكسيم حۋدياكوۆ بەردى. ودان كەيىن برەندون بوچەنسكي قازاقستاندىقتاردى العا شىعارعانىمەن، توممازو تراۆەرسا ەسەپتى تەڭەستىردى. دەگەنمەن، قورىتىندى جيىرما مينۋتتىق ويىندا رومان ستارچەنكو قازاقستان قۇراماسىن العا شىعاردى.

وسىلايشا، قازاقستان ءوز توبىندا ەكىنشى ورىندا كەلەدى. ال بۇل ورنىن ساقتاپ قالۋى ءۇشىن فرانتسيا نورۆەگيادان باسىم ءتۇسۋى ءتيىس. قالاي دەسەك تە، اندرەي نازاروۆ جاتتىقتىراتىن ءبىزدىڭ حوككەيشىلەرىمىز وليمپياداعا بارا المايدى.

يتاليا - قازاقستان 2:3 (1:1, 1:1, 0:1)

شايبالار:

1:0 - 06:47 سكاندەللو (بەرنارد، ينسام). تەڭ قۇرامدا

1:1 - 08:51 حۋدياكوۆ (رىماريەۆ، شين). باسىمدىقتا +1

1:2 - 28:42 بوچەنسكي (شينتەڭ قۇرامدا

2:2 - 38:54 تراۆەرسا (مارچەتتي، زاناتتا). باسىمدىقتا +1

2:3 - 56:12 ستارچەنكو (ترياسۋنوۆ). تەڭ قۇرامدا

ايىپ: 2:4 (2:0, 0:4, 0:0)

سوققى: 14:21 (6:10, 4:8, 4:3).

اۆتور: مارلان جيەمباي