قازاقستاندا 2018-جىلدان باستاپ پەدوفيلدەرگە حيميالىق كاستراتسيا جاسالادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ىشكى ىستەر مينيسترلىگى اكىمشىلىك پوليتسيا كوميتەتىنىڭ ءبولىم باستىعى اسەت وسپانوۆ ءمالىم ەتتى.
«پەدوفيلدەرگە قاتىستى قىلمىستىق ءىستى تەرگەۋ بارىسىندا سوت-پسيحياترلىق ساراپتاما تاعايىندالادى، ول ءوز كەزەگىندە ءىستى ادامنىڭ اۋىتقۋلارى بويىنشا قورىتىندى جاسايدى. ال وسى دايەكتەمەلەر اياسىندا سوت تاراپى ايىپتى ادامعا قاتىستى حيميالىق كاستراتسيانى قولدانۋ جونىندەگى شەشىم قابىلدايدى، ياعني بۇل تۇرعىدا قولدانىلعان پرەپاراتتار جىنىستىق اۋەستىكتى تومەندەتەدى. اتالعان نورما بىزدە 2018-جىلدان باستاپ ىسكە اسىرىلادى»، - دەدى ءا. وسپانوۆ.
بيىلعى ناۋرىزدا زاڭناماعا بالانىڭ قۇقىقتارىن قورعاۋ ماسەلەلەرى بويىنشا قىلمىستارعا جازانى كۇشەيتۋگە باعىتتالعان وزگەرتۋلەر ەنگىزىلىپ، پەدوفيلدەرگە حيميالىق كاستراتسيا جاساۋ نورماسى ەنگىزىلدى.
اۆتور: رۋسلان عابباسوۆ
