ەلباسى: 2018 - جىلعا دەيىن ءتۇرلى باستامالارعا موراتوري ەنگىزۋ قاجەت

استانا. قازاقپارات - 2018 - جىلعا دەيىن ءتۇرلى باستامالارعا موراتوري ەنگىزۋ قاجەت. بۇگىن اقوردادا ەكونوميكالىق ساياساتتىڭ جۇيەلى شارالارى جونىندەگى كەڭەس وتكىزگەن ق ر پرەزيدەنتى نۇرسۇلتان نازاربايەۆ وسىلاي ءمالىم ەتتى.
None
None

 جيىن بارىسىندا ەلباسى جاڭا ەكونوميكالىق اقيقاتتاردى ەسكەرە وتىرىپ، باررەلىنە 30-40 دوللار دەڭگەيىندەگى مۇناي باعاسىنا بەيىمدەلۋ قاجەتتىگىن اتاپ ءوتتى.

«وتكەن جىلدارى ىشىندە ءبىز كوپ قۇرىلىس سالدىق، شتات سانىن جانە جالاقى دەڭگەيىن كوتەردىك. ءبىراق قازىر قارجى جەتىسپەۋشىلىگى بايقالادى. وسىعان وراي جاڭا جوبالارعا شىعىستار كىرىس بازاسىنىڭ كەڭەيتىلۋ مۇمكىنشىلىگىمەن قاتاڭ شەكتەلەتىن بولادى. سوندىقتان 2018 -جىلعا دەيىن ءتۇرلى باستامالارعا موراتوري ەنگىزۋ قاجەت. بۇل بۇگىنگى كۇن شىندىعىنان تۋىنداعان امالسىز شارا»، - دەدى ق ر پرەزيدەنتى.

مەملەكەت باسشىسى 2018 - جىلى رەسپۋبليكالىق بيۋدجەت تاپشىلىعىن 1 پايىزعا دەيىن تومەندەتۋدى تاپسىرىپ، تاپشىلىقتى قارجىلاندىرۋ تەك قانا ىشكى رەزەرۆ ەسەبىنەن جۇرگىزىلۋى تيىستىگىنە باسا نازار اۋدارتتى.

اۆتور: مارلان جيەمباي 

سوڭعى جاڭالىقتار