00:07, 23 - قاراشا 2014 | GMT +6
رەسەيدە 2018 - جىلى فۋتبولدان الەم چەمپيوناتىنىڭ ءوتۋى ەكىتالاي
استانا. قازاقپارات - حالىقارالىق فۋتبول فەدەراتسياسى (ف ي ف ا) 2018 بەن 2022 - جىلدارى وتەتىن الەم بىرىنشىلىكتەرىنە قاتىستى قايتا تەكسەرۋ جۇرگىزەتىن بولدى.
بۇعان دەيىن اتالعان جارىستاردىڭ وتەتىن ورنىن تاڭداۋ كەزىندە جەمقورلىققا جول بەرىلگەن دەپ داۋ شىققان ەدى.
وسىدان ءبىر اپتا بۇرىن ف ي ف ا- نىڭ ەتيكا كوميتەتىنە قاراستى اربيتراجدى پالاتا باسشىسى حانسا- يوحام ەككەرت اتالعان ىسكە بايلانىستى تەكسەرۋ جۇرگىزىپ، ەسەپ بەرگەن بولاتىن. ونىڭ ايتۋىنشا، ءا چ-2018 بەن ءا چ-2022- ءنىڭ وتەتىن ورنىن تاڭداۋ كەزىندە ەشقانداي زاڭسىزدىقتار ورىن الماعان.
ال، ەتيكا كوميتەتىنىڭ ءتوراعاسى مايكل گارسيا بولسا كەشە جۇرگىزىلگەن تەكسەرۋدىڭ ەسەبىن قابىل الماي، قايتا تەكسەرۋ جۇرگىزۋگە تاپسىرما بەردى. ەندى الدا رەسەي مەن كاتاردا الەم چەمپيوناتتارىنىڭ ءوتۋى ەكىتالاي.
Baq.kz
