22:12, 11 - شىلدە 2014 | GMT +5
رەسەي پرەزيدەنتى جانكۇيەرلەر 2018 - جىلعى چەمپيوناتقا ۆيزاسىز كەلە الاتىنىن ءمالىم ەتتى
استانا. قازاقپارات - رەسەي پرەزيدەنتى ۆلاديمير پۋتين 2018 - جىلى وسى ەلدە وتەتىن فۋتبولدان الەم چەمپيوناتىنا سپورتشىلار، تورەشىلەر مەن باپكەرلەر، ءتىپتى، جانكۇيەرلەر دە ۆيزاسىز تارتىپپەن كەلە الاتىن ءمالىم ەتتى.
ول سونداي- اق فەدەرالدىق زاڭدا « 2018 - جىلعى چەمپيوناتقا دايىندالۋعا جاردەمدەسەتىن شەتەلدىكتەر ءۇشىن ارنايى جەڭىلدىكتى ۆيزالىق رەجىم» قاراستىرىلعانىن ايتىپ ءوتتى، دەپ حابارلايدى يتار- تاس.
« ال ءدۇبىرلى دودا الدىندا جانە ول ءوتىپ جاتقان كەزدە رەسمي قاتىسۋشىلار - سپورتشىلار، تورەشىلەر، باپكەرلەردەن باسقا جانكۇيەرلەر دە رەسەيگە ۆيزاسىز تارتىپپەن كەلە الادى» ، - دەپ ناقتىلادى رەسەي ەلىنىڭ باسشىسى.
