08:07, 11 - شىلدە 2014 | GMT +5
الەم بىرىنشىلىگى -2018: رەسەي پرەزيدەنتى ۆ. پۋتين جانكۇيەرلەر چەمپيوناتقا ۆيزاسىز كەلە الاتىنىن ءمالىم ەتتى
استانا. قازاقپارات - رەسەي پرەزيدەنتى ۆلاديمير پۋتين 2018 - جىلى وسى ەلدە وتەتىن فۋتبولدان الەم چەمپيوناتىنا سپورتشىلار، تورەشىلەر مەن باپكەرلەر، ءتىپتى، جانكۇيەرلەر دە ۆيزاسىز تارتىپپەن كەلە الاتىنىن ءمالىم ەتتى.
ول سونداي-اق فەدەرالدىق زاڭدا «2018 - جىلعى چەمپيوناتقا دايىندالۋعا جاردەمدەسەتىن شەتەلدىكتەر ءۇشىن ارنايى جەڭىلدىكتى ۆيزالىق رەجىم» قاراستىرىلعانىن ايتىپ ءوتتى، دەپ حابارلايدى يتار-تاسس.
«ال ءدۇبىرلى دودا الدىندا جانە ول ءوتىپ جاتقان كەزدە رەسمي قاتىسۋشىلار - سپورتشىلار، تورەشىلەر، باپكەرلەردەن باسقا جانكۇيەرلەر دە رەسەيگە ۆيزاسىز تارتىپپەن كەلە الادى»، - دەپ ناقتىلادى رەسەي ەلىنىڭ باسشىسى.
