ازيادا-2018: قازاقستان قورجىنىنا 7- كۇمىس مەدال ءتۇستى

استانا. قازاقپارات - بۇگىن يندونەزيادا ءوتىپ جاتقان جازعى ازيا ويىندارىندا قازاقستان قورجىنىنا 7-كۇمىس مەدال ءتۇستى، دەپ حابارلايدى قازاقپارات ءتىلشىسى.

ق ر ۇ و ك ءمالىم ەتكەندەي، قازاقستاندىق تەننيسشىلەر دەنيس ەۆسەيەۆ پەن الەكساندر بۋبليك ازيا ويىندارىندا كۇمىسكە قول جەتكىزدى.

تەننيستەن ەرلەر اراسىنداعى جۇپتاسىپ ونەر كورسەتكەن سپورتشىلارىمىز فينالدا ءۇندىستاندىق سپورتشىلارعا ەسە جىبەرىپ، كۇمىس جۇلدەنى قاناعات تۇتتى. قارسىلاستارىمىز 6:3، 6:4 ەسەبىمەن جەڭىسكە جەتتى.

بۇل ءبىزدىڭ تەننيسشىلەردىڭ ازيا ويىندارىنداعى ەكىنشى مەدالى.

ەستەرىڭىزگە سالا كەتەيىك، وسىعان دەيىن تەننيستەن ايەلدەر اراسىنداعى دانيلينا/اينيتدينوۆا جۇبى قولا مەدال جەڭىپ العانىن جازعان بولاتىنبىز.

ايتا كەتەيىك، ءدال قازىرگى جالپى ەسەپتىك كورسەتكىشتە قازاقستان قۇراماسى 2 التىن، 7 كۇمىس، 19 قولا (28) مەدالمەن 12-ورىندا كەلە جاتىر. ازيا ويىندارى 2-قىركۇيەك كۇنى ءوز مارەسىنە جەتەدى.

اۆتور: كۇنسۇلتان وتارباي