ءا چ-2018: انگليا 52 جىل بۇرىنعى جەتىستىگىن قايتالاي الا ما
جورامال جاساۋشىلار اتالمىش ماتچتا اعىلشىنداردى باستى فاۆوريت ساناپ وتىر.
راس، سوڭعى جىلداردا انگليا قۇراماسى جانكۇيەر سەنىمىن اقتاي الماي كەلەدى. ولار سوڭعى مارتە الەم بىرىنشىلىگىندە 1966 -جىلى چەمپيون اتانعان ەدى. 1990 -جىلى ءتورتىنشى ورىنعا قول جەتكىزدى. دۇنيەجۇزىلىك دوپ دوداسىندا بۇدان باسقا قول جەتكىزگەن تابىسى جوق. ەۋروپا بىرىنشىلىگىندە 1968 جانە 1996 -جىلدارى قولا جۇلدەگە قول سوزدى. انگليانىڭ وسىدان وزگە باعىندىرعان بيىگى جوق. بالكىم، سول ولقىلىقتىڭ ورنى بيىل تولاتىن شىعار. ال شۆەتسيا چەمپيوندىق اتاققا قول جەتكىزە قويعان جوق. دەسە دە الەم بىرىنشىلىگىندە ولار 1958 -جىلى كۇمىس، 1950 جانە 1954 -جىلدارى قولا جۇلدەگە قول سوزدى. ال 1938 -جىلى ءتورتىنشى ورىن الدى. شۆەدتەر 1992 - جىلى قولا جۇلدەگەر بولدى. سكانديناۆيا تۇبەگىنىڭ وكىلدەرى بيىل ايدى اسپانعا شىعارا الا ما؟ ونى بىرىنشىلىك بارىسىندا كورە جاتارمىز.
قوس قۇرامانىڭ جولى بۇعان دەيىن 23 مارتە تۇيىسكەن. ەكەۋى دە جەتى- جەتىدەن جەڭىسكە جەتسە، 9 ويىن تەڭ اياقتالدى. ولار العاش رەت 1923 -جىلى جولداستىق كەزدەسۋ وتكىزىپ، بۇل جولى اعىلشىندار 4:2 ەسەبىمەن جەڭىسكە جەتتى. سوڭعى رەت 2012 -جىلدىڭ 14 - قاراشاسىندا شۆەتسيانىڭ سولنا قالاسىندا جولداستىق كەزدەسۋدە جاسىل الاڭعا شىقتى. وندا شۆەدتەر 4:2 ەسەبىمەن باسىم ءتۇستى. جالپى، قوس قۇراما الەم بىرىنشىلىگىنىڭ فينالدىق كەزەڭىندە 2 مارتە جولىقتى. 1990 -جىلدىڭ 2002 -جىلدىڭ 2 - ماۋسىمىندا جاپونيانىڭ سايتاما قالاسىندا Ғ توبىندا كەزدەسكەن ولار 1:1 ەسەبىمەن قاناعات ءبىلدىرىپ تاراستى. ودان كەيىن 2006 -جىلى ولار گەرمانياداعى دوپ دوداسىندا ب توبىندا جولى ءتۇيىسىپ، بۇل جولى دا جەڭىمپاز انىقتالعان جوق. ەسەپ 2:2. بۇگىنگى كەزدەسۋدە مىندەتتى تۇردە ءبىر قۇراما باسىم تۇسەدى. ويتكەنى، جەڭىمپاز بولعانى جارىستى جالعاستىرادى.
انگليانىڭ باس باپكەرى گارەت ساۋتگەيت «ءبىز العا قاراي دامىپ كەلەمىز. بۇل جولدا توقتاپ قالعىمىز كەلمەيدى. جەڭىسكە جەتۋگە بار كۇشىمىزدى سالامىز» - دەيدى. ال شۆەتسيانىڭ باس باپكەرى ياننە اندەرسسون «ءبىز انگليانىڭ مىقتى ەكەنىن بىلەمىز. وندا الەمگە ايگىلى فۋتبولشىلار بار»، - دەدى.
ەستەرىڭىزگە سالا كەتەلىك، شۆەتسيا قۇراماسى بۇگىنى كەزەڭگە دەيىن تالاي مىقتى ارتقا سالدى. الەم بىرىنشىلىگىنە ىرىكتەۋ كەزەڭىنىڭ توپتىق ساتىسىندا گوللانديا سەكىلدى قۇرامانى ارتقا سالىپ كەتتى. ودان كەيىن پلەي- وفف كەزەڭىندە يتاليانى ورتا جولدا قالدىردى. بيىلعى الەم بىرىنشىلىگىندە ءبىر توپتا مەكسيكا جانە گەرمانيا سەكىلدى ازۋلى قارسىلاستارىن ارتقا سالىپ، ءوز توبىندا ءبىرىنشى ورىن الدى. جارىستىڭ 1/8 ساتىسىندا تالاي قارسىلاسىن تىقسىرىپ جۇرگەن شۆەيساريادان مىقتى ەكەنىن دالەلدەدى. ايگىلى زلاتان يبراگيموۆيچ سەكىلدى جۇلدىز قۇراما ساپىندا ويىن كورسەتپەسە دە، ولار وزدەرىنىڭ بولاشاعى زور ەكەنىن ايعاقتادى. انگليا ىرىكتەۋ كەزەڭىندە جوعارى دەڭگەيدە ويىن كورسەتتى. ءوز توبىندا ءبىرىنشى بولدى. فينالدىق كەزەڭدە العا بەلگيانى سالىپ، ءوز توبىندا ەكىنشى ورىن الدى. جارىستىڭ 1/8 فينالدىق ساتىسىندا كولۋمبيانى پەنالتي ارقىلى جەڭدى. ەندىگى كەزەكتە شۆەتسيامەن شەبەرلىك بايقاسادى.
اتالمىش كەزدەسۋ 00:00-دە «سامارا ارەنا» ستاديونىندا بولادى.
كەشە شيرەك فينال ويىندارىندا فرانسيا ۋرۋگۆايدى 2:0، بەلگيا ۋرۋگۆايدى 2:1 ەسەبىمەن جەڭدى.
اۆتور: ءادىلجان ۇمبەت
