ازيادا-2018: قازاقستان قورجىنىنا 3- التىن مەدال ءتۇستى

استانا. قازاقپارات - بۇگىن يندونەزيادا ءوتىپ جاتقان جازعى ازيا ويىندارىندا قازاقستان قورجىنىنا 3-  التىن مەدال ءتۇستى، دەپ حابارلايدى قازاقپارات ءتىلشىسى.

ق ر ۇ و ك- ءتى ءمالىم ەتكەندەي بۇگىن ازيا ويىندارىندا ۆەلوسپورتتان جەكەلەي سىن اياقتالىپ، قازاقستاندىق الەكسەي لۋتسەنكو جەڭىمپاز اتانىپ، ەكىنشى التىن مەدالىن جەڭىپ الدى.

توپتاسىپ جارىسۋدان مارەگە ءبىرىنشى كەلگەن لۋتسەنكو جەكەلەي سىندا دا ءوز مىقتىلىعىن دالەلدەدى. ول 40 شاقىرىمدى 55.37.13 ۋاقىت كورسەتكىشىندە ءجۇرىپ ءوتتى.

كۇمىس جۇلدە يەلەنگەن وزبەكستاندىق مۋرادجون حالمۋراتوۆ ءبىزدىڭ سپورتشىدان 1.33.39 سەكۋندقا، ال قولا جۇلدەگەر اتانعان جاپونيالىق فۋميۋكي بەپپۋ 1.42.07 سەكۋندقا قالىپ قويدى.

وسىلايشا، الەكسەي لۋتسەنكو ازيا ويىندارىندا ەكى مارتە توپ جارىپ، قازاقستان قورجىنىنا ءۇشىنشى التىن جۇلدەنى سالدى.

اۆتور: كۇنسۇلتان وتارباي