ازيادا-2018: قازاقستان بەسىنشى ورىننان 11-ورىنعا سىرعىپ كەتتى

ازيا ويىندارىنىڭ ارنايى سايتىنداعى مەدالدار ەسەبى بويىنشا بۇگىن كوش تىزگىنىن ۇستاعان قىتاي قۇراماسى قارسىلاستارىنان وق بويى وزىپ كەتكەن. ولاردىڭ ەنشىسىندە 15 التىن، 12 كۇمىس، 9 قولا (36) مەدال بار. ەكىنشى ورىندا 8 التىن، 11 كۇمىس، 11 قولا (30) مەدال ەنشىلەگەن جاپوندىق سپورتشىلار كەلە جاتسا، ۇزدىك ۇشتىكتە 5 التىن، 9 كۇمىس، 10 قولا (24) مەدال جەڭىپ العان وڭتۇستىك كورەيالىق سپورتشىلار كەلە جاتىر. ال قازاقستان سپورتشىلارى 1 التىن، 2 كۇمىس، 3 قولا (6) مەدالمەن 11- ورىندا كەلەدى.

ەستەرىڭىزگە سالا كەتەيىك، قازاقستان سپورتشىلارى ازيادانىڭ العاشقى كۇنى 1 التىن، 1 كۇمىس، 2 قولا مەدال جەڭىپ السا، بۇگىن ەل قورجىنىنا جالعىز كۇمىس جۇلدە بۇيىردى. ونى وسىعان دەيىن حابارلاعانىمىزداي ايەلدەر كۇرەسىنەن جۇلدىز ەشىموۆا جەڭىپ الدى.

اۆتور: كۇنسۇلتان وتارباي