ازيادا-2018: قازاقستان قورجىنىنا 10- قولا مەدال ءتۇستى

استانا. قازاقپارات - يندونەزيادا ءوتىپ جاتقان جازعى ازيا ويىندارىندا قازاقستان قورجىنىنا 10- قولا مەدال ءتۇستى، دەپ حابارلايدى قازاقپارات.

ق ر ۇ و ك- ءتىڭ حابارلاۋىنشا، سەمسەرلەسۋدەن قازاقستان ەرلەر قۇراماسى كەزەكتى قولا مەدالدى جەڭىپ الدى.

سەمسەرلەسۋدەن قازاقستان ەرلەر كومانداسى جارتىلاي فينالدا جاپونيا قۇراماسىنا جول بەرىپ، قۇرلىق دوداسىندا ۇزدىك ۇشتىككە ەندى. ەسەپ - 36:45.

وسىلايشا ەلمير اليمجانوۆ، دميتري الەكسانين، رۋسلان كۋربانوۆ جانە ۆاديم شارلايموۆ تورتتىگى ازيا ويىندارىنىڭ قولا جۇلدەگەرى اتانىپ وتىر.

ەسكە سالا كەتەيىك، وسىعان دەيىن اتالعان سپورت تۇرىنەن قازاقستاندىق قىزدار قۇراماسى دا قولا مەدال جەڭىپ الدى. ال 19- تامىز كۇنى سەمسەرلەسۋشى دميتري الەكسانين قازاقستان قورجىنىنا العاشقى جانە ازىرگە جالعىز التىندى سالعان بولاتىن.

اۆتور: كۇنسۇلتان وتارباي