قانات يسلام 2017 -جىلدىڭ ۇزدىك مەنەدجەرىمەن جۇمىس ىستەي باستادى

None
None
استانا. قازاقپارات - قازاقستاندىق بوكسشى قانات يسلام ا ق ش-تىڭ تانىمال مەنەدجەرىمەن كەلىسىمشارتقا وتىرعانىن رەسمي جاريالادى، دەپ حابارلايدى قازاقپارات ءتىلشىسى.

«قانات يسلام The Ring جۋرنالىنىڭ نۇسقاسى بويىنشا 2017 -جىلدىڭ ەڭ ۇزدىك مەنەدجەرى ەگيس كليماسپەن كەلىسىمشارتقا وتىردى. ەگيس كاسىپقوي بوكستىڭ جارقىن جۇلدىزىنا اينالعان سەرگەي كوۆاليەۆ، الەكساندر ۋسيك، ۆاسيلي لوماچەنكو سىندى بوكسشىلارمەن جۇمىس ىستەيدى.

قازىر قانات يسلام امەريكانىڭ كاليفورنيا شتاتىندا جاتتىعۋ جۇمىستارىن باستاپ كەتتى»، - دەلىنگەن بوكسشىنىڭ ينستاگرام جەلىسىندەگى پاراقشاسىندا.

ايتا كەتەيىك، بۇگىندە مەنەدجەر ەگيس كليماسپەن ءتورت قازاقستاندىق بوكسشى - ماديار اشكەيەۆ (8-0, 4 ك و)، ساعادات راحمانقۇلوۆ (1-0, 1 ك و)، مەيىرىم نۇرسۇلتانوۆ (5-0, 4 ك و) پەن اسحات ءۋاليحانوۆ (2-1, 2 ك و) جۇمىس ىستەيدى.

قانات يسلام (25-0, 20 ك و) WBO NABO مەن WBA Inter- Continental بەلبەۋلەرىنىڭ يەگەرى. بۇكىلالەمدىك بوكس ۇيىمى (WBO) اقپان ايىنداعى رەيتينگىسىندە يسلامدى قايتادان ەكىنشى ورىنعا قويدى.

سوڭعى جاڭالىقتار