ەلىمىز 2017 -جىلى سەنىمدى ءوسۋ جولىنا قايتا ءتۇستى - ق ر پرەزيدەنتى
بۇل تۋرالى ق ر پرەزيدەنتىنىڭ بۇگىن جاريالانعان قازاقستان حالقىنا ارنالعان ءداستۇرلى جولداۋىندا اتاپ وتىلگەن، دەپ حابارلايدى قازاقپارات.
«ءبىز الەم ەلدەرىنىڭ سەنىمى مەن قۇرمەتىنە بولەنىپ، برەندكە اينالعان تاۋەلسىز قازاقستاندى قۇردىق. 2017 -جىلى ءبىزدىڭ ەل ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولدى. 2018 -جىلدىڭ قاڭتار ايىندا وعان ءتوراعالىق ەتۋدەمىز. ءبىز دۇنيەجۇزىلىك ەكسپو مامانداندىرىلعان كورمەسىن وتكىزۋ ءۇشىن الەمدىك قوعامداستىق تاڭداپ العان ت م د جانە شىعىس ەۋروپا ەلدەرى اراسىنداعى ءبىرىنشى مەملەكەت بولدىق. قازاقستاندا تابىستى جۇمىس ىستەپ كەلە جاتقان نارىقتىق ەكونوميكا مودەلى قالىپتاستى. 2017 -جىلى ەلىمىز الەمدىك داعدارىستىڭ قولايسىز سالدارىن ەڭسەرىپ، سەنىمدى ءوسۋ جولىنا قايتا ءتۇستى»، - دەلىنگەن ەلباسى جولداۋىندا.
بۇدان بولەك، مەملەكەت باسشىسى جىل قورىتىندىسى بويىنشا ىشكى جالپى ءونىمنىڭ ءوسۋى 4 پروسەنت بولىپ، ال ونەركاسىپتىك ءونىمنىڭ ءوسۋى 7 پروسەنتتەن اسقانىن اتاپ ءوتتى.
«بۇل ورايدا، ونەركاسىپتىڭ جالپى كولەمىندە وڭدەۋشى سەكتوردىڭ ۇلەسى 40 پروتسەنتتەن اسىپ ءتۇستى. قازاقستاننىڭ قولايلى دامۋى ورتا تاپتىڭ قالىپتاسۋىنا مۇمكىندىك بەردى. كەدەيشىلىك 13 ەسە قىسقارىپ، جۇمىسسىزدىق دەڭگەيى 4,9 پروسەنتكە دەيىن تومەندەدى»، - دەلىنگەن جولداۋدا.
«ەلىمىزدىڭ الەۋمەتتىك- ەكونوميكالىق تابىستارىنىڭ نەگىزى - ءبىزدىڭ باستى قۇندىلىقتارىمىز رەتىندە قالا بەرەتىن ازاماتتىق بەيبىتشىلىك، ۇلتارالىق جانە كونفەسسياارالىق كەلىسىم. دەگەنمەن، قازاقستاننىڭ جەتىستىكتەرى سەنىمدى تىرەك سانالادى، ءبىراق ول ەرتەڭگى تابىستارىمىزدىڭ كەپىلى ەمەس ەكەنىن جاقسى سەزىنۋىمىز كەرەك.
«كول- كوسىر مۇنايدىڭ» ءداۋىرى اياقتالىپ كەلەدى. ەلىمىزگە دامۋدىڭ جاڭا ساپاسى قاجەت. جاھاندىق ترەندتەر كورسەتىپ وتىرعانداي، ول، ءبىرىنشى كەزەكتە، ءتورتىنشى ونەركاسىپتىك رەۆوليۋتسيا ەلەمەنتتەرىن كەڭىنەن ەنگىزۋگە نەگىزدەلۋى ءتيىس. مۇنىڭ وزىندىك سىن- قاتەرلەرى دە، مۇمكىندىكتەرى دە بار. جاڭا الەم كوشباسشىلارىنىڭ قاتارىنا قوسىلۋ ءۇشىن قازاقستاندا قاجەتتى نارسەنىڭ ءبارى بار ەكەنىنە سەنىمدىمىن»، - دەدى قازاقستان پرەزيدەنتى.
