ارمان وسپانوۆتىڭ نوكاۋتى 2017-جىلدىڭ ەڭ ۇزدىگى اتاندى

استانا. قازاقپارات - قازاقستاندىق م م ا شەبەرى ارمان وسپانوۆ 2017-جىلى ACB (Absolute Championship Berkut) تاعايىنداعان «جىل نوكاۋتى» اتالىمىنىڭ جەڭىمپازى اتاندى، دەپ جازادى Sports.kz.

ونىڭ جانكۇيەرلەرى رەسەيدىڭ سانكت-پەتەربۋرگ قالاسىندا وتكەن ACB 61 تۋرنيرىندە ارمان وسپانوۆتىڭ جاپوندىق تايچي ناكاجيمۋدى نوكاۋتكە جىبەرگەن سوققىسىن ەڭ ۇزدىك دەپ تانىعان.

ەسكە سالا كەتەيىك، وسپانوۆ ءوزىنىڭ سوڭعى جەكپە-جەگىندە رەسەيلىك الەكسەي پولپۋدنيكپەن شارشى الاڭعا شىعىپ، قازىلاردىڭ ادىلەتسىز شەشىمىمەن جەڭىلگەن بولاتىن. بۇل شەشىم جانكۇيەرلەر اراسىندا ۇلكەن داۋ تۋعىزعان.