وتكەن 2017-جىلى قازاقستاندىق كاسىپقوي بوكسشىلار قانداي بەلەستەردى باعىندىردى - فوتو
تومەندە «قازاقپارات» ح ا ا قازاقستان كاسىپقوي بوكسىنىڭ جىل قورىتىندىسىن ۇسىنادى.
الەم كوز تىككەن قازاقستاندىق 
2017 -جىلعى الەم جانە قازاق بوكسىنداعى ەڭ ايتۋلى وقيعا ورتا سالماقتاعى WBA (Super) ، WBC، IBF جانە IBO تۇجىرىمدارى بويىنشا الەم چەمپيونى گەنناديي گولوۆكين (37-0-1، 33 ك و) مەن ەكى سالماق بويىنشا الەمنىڭ ەكس- چەمپيونى ساۋل الۆارەس (49-1-2, 34 ك و) اراسىنداعى جەكپە-جەك بولعانى ءسوزسىز.
گەننادي گولوۆكين 2017 -جىلى 2 جەكپە-جەك وتكىزدى. 18 -ناۋرىز كۇنى «GGG» نيۋ- يورك قالاسىندا WBA نۇسقاسى بويىنشا الەم چەمپيونى دەنيەل دجەيكوبستى (33-2-0, 29 ك و) تورەشىلەر شەشىمىمەن جەڭدى. بۇل جەكپە-جەك وتانداسىمىزدىڭ كاسىپقوي بوكستاعى العاشقى 12 راۋندتىق بەلدەسۋى بولدى.
GGG vs jacobs
16 -قىركۇيەكتە گولوۆكين الۆارەسپەن ا ق ش- تىڭ لاس- ۆەگاس قالاسىندا جۇدىرىقتاستى. جەكپە-جەك الدىندا گولوۆكين تاماشا «Big Drama Show» جاساۋعا ۋادە بەرسە، مەكسيكالىق بوكسشى ءوزىنىڭ جەڭىسىنە سەنىمدى ەكەنىن ايتتى. الايدا، بوكس ماماندارى «عاسىر جەكپە- جەگى» دەپ باعالاعان بۇل بەلدەسۋ تەڭ ناتيجەمەن اياقتالدى. قورىتىندىسىندا «GGG» بارلىق چەمپيوندىق بەلدىكتەرىن ساقتاپ قالدى.
چەمپيوندىق بەلدىك جانە رەيتينگ
بۇل كۇندە BoxRec پورتالىنا رەسمي تىركەلگەن قازاقستاندىق كاسىپقوي بوكسشىلاردىڭ سانى 159 عا جەتىپ، ونىڭ 58 ى 14 سالماق دارەجەسى بويىنشا شارشى الاڭدا ونەر كورسەتىپ ءجۇر.
ءبىرىنشى اۋىر سالماقتا بەيبىت شۇمەنوۆ (17-2، 11 ك و) 2017 -جىلى كۋبالىق يۋنيەرۋ دورتيكوسپەن (21-0, 20 ك و) WBA ۇيىمىنىڭ مىندەتتى جەكپە- جەكىن وتكىزۋى كەرەك بولعان. الايدا كەلىسسوزدەردىڭ ءساتسىز بولۋىنا بايلانىستى جەكپە-جەك ۋاقىتى بەلگىلەنبەي، ۇزاق ايلارعا سوزىلدى. ماۋسىم ايىندا سپورتشى كوز جاراقاتىنا بايلانىستى سپورتتىق مانسابىن اياقتايتىنىن جاريالادى. وسىلايشا، شۇمەنوۆ WBA نۇسقاسى بويىنشا چەمپيوندىق بەلدىگىنەن باس تارتىپ، وعان دورتيكوس يە بولدى.
بۇل سالماقتا ونەر كورسەتەتىن تاعى ءبىر قازاقستاندىق بوكسشى IBO Inter- Continental جانە GBC تيتۋلىنىڭ يەگەرى يسا اقبەربايەۆ (20-0-0,15 ك و) بيىل ەكى جەكپە-جەك وتكىزدى. سپورتشى جەڭىستەن كەيىن BoxRec ءبىرىنشى اۋىر سالماقتاعى الەمدىك رەيتينگىندە 37-ورىنعا جايعاسىپ، IBO جانە WBA ۇيىمىنىڭ جاڭا رەيتينگىندە 33- جانە 10-ورىننان كورىندى.
جارتىلاي اۋىر سالماقتا 2016 -جىلدان بەرى ونەر كورسەتىپ جۇرگەن ءالي احمەدوۆ (10-0، 7 ك و) اعىمداعى جىلى 6 جەكپە-جەك وتكىزىپ، ەكى چەمپيوندىق بەلدىككە قول جەتكىزدى.
احمەدوۆ 30 -ماۋسىمدا ا ق ش- تا جەرگىلىكتى بوكسشى كەنت حوللاندتى (4-1-1, 2 ك و) نوكاۋدپەن جەڭىپ، سولتۇستىك امەريكا بوكس فەدەراتسياسى (NABF) تيتۋلىن يەلەندى.
19 -ماۋسىمدا وتانداسىمىز جەڭىلىپ كورمەگەن امەريكالىق بوكسشى كەرتيس حيللدى (10-0-0، 5 ك و) 4-راۋندتا نوكاۋدقا جىبەرىپ، WBC تۇجىرىمى بويىنشا جاستار اراسىنداعى الەم چەمپيونى تيتۋلىنىڭ (WBC Youth World Light Heavyweight Title) يەگەرى اتاندى. كۇنى كەشە عانا الماتىدا وتكەن كەزەكتى جەكپە- جەگىندە احمەدوۆ ازەربايجاندىق يسمات ەينۋللايەۆتى (12-2, 8 ك و) ەكىنشى راۋندتا نوكاۋدقا جىبەرىپ، 11- جەڭىسىنە قول جەتكىزدى.
ورتا سالماقتا گەننادي گولوۆكين 2 جەكپە-جەگىندە دە چەمپيوندىق بەلدىكتەرىن تولىقتاي قورعاپ قالدى. بوكسشى بارلىق بوكس ۇيىمىنىڭ چەمپيوندىق بەلدىكتەرىن بىرىكتىرۋ ماقساتىن ورىنداي العان جوق. ول ءۇشىن وتانداسىمىز WBO چەمپيونى بيللي دجو سوندەرسپەن جۇدىرىقتاسۋى كەرەك. الايدا، «GGG» 2018 -جىلى مامىر ايىندا الۆارەسپەن ەكىنشى كەزدەسۋ وتكىزۋدى جوسپارلاپ وتىرعانى بەلگىلى.
ال بۇل سالماقتاعى تاعى ءبىر قازاقستاندىق بوكسشى مەيىرىم نۇرسۇلتانوۆ (5-0-0, 4 ك و) 1 -جىل ىشىندە 4 رەت شارشى الاڭعا شىعىپ، BoxRec پورتالىندا تىركەلگەن ورتا سالماقتاعى 1046 بوكسشىنىڭ ىشىندە 91-ورىننان كورىندى.
ءبىرىنشى ورتا سالماقتا جۇدىرىقتاسىپ جۇرگەن قازاقستاندىق بوكسشى قانات يسلام (25-0-0، 20 ك و) 2017 -جىلدى تابىستى اياقتادى. بوكسشى 2017 -جىلى شارشى الاڭعا 3 رەت كوتەرىلىپ، قورجىنىن ەكى چەمپيوندىق بەلدىكپەن تولىقتىردى. BoxRec رەيتينگىندە وتانداسىمىز ءبىرىنشى ورتا سالماقتاعى توپ-10 بوكسشىلار قاتارىنان ورىن الدى. سونىمەن قاتار، قانات WBA جانە WBO ۇيىمىنىڭ ءبىرىنشى ورتا سالماقتاعى رەيتينگىنىڭ كوشىن باستاپ، IBO جانە WBC رەيتينگىندە 7 جانە 8-ورىنعا جايعاستى.
2017 -جىلى 26 -مامىر، قانات يسلام ا ق ش- تا مەكسيكالىق نوربەرتو گونسالەستى تورەشىلەر شەشىمىمەن جەڭىپ، WBA Inter- Continental جانە WBO NABO تيتۋلىن يەلەندى. 9 -قىركۇيەكتە قانات ەكسپو اياسىندا استانا قالاسىندا ءوزىنىڭ چەمپيوندىق اتاقتارىن قورعاپ، كانادالىق برەندون كۋكتى 9-راۋندتا نوكاۋدپەن جەڭدى.
كاسىپقوي بوكستا 5 جىل جۇرگەن قانات يسلام بۇل كۇندە WBA Fedelatin جانە WBA Inter- Continental, WBO Inter- Continental جانە WBO NABO تيتۋلىنىڭ يەگەرى. وتانداسىمىز 2018 -جىلى WBA ۇيىمى بەلگىلەگەن مىندەتتى قارسىلاسى امەريكالىق دجون ۆەرامەن (18-0، 11 ك و) جۇدىرىقتاسۋى مۇمكىن.
جارتىلاي ورتا سالماقتاعى بوكسشى جانقوش تۇراروۆ (22-0-0, 15 ك و) 2017 -جىلى 2 جەكپە-جەك وتكىزىپ، الەمدىك رەتينگتە 63-ورىنعا كوتەرىلدى.
ءبىرىنشى جارتىلاي ورتا سالماقتا 26 جاستاعى قازاقستاندىق بوكسشى باتىرجان جۇكەمبايەۆ (11-0-0, 9 ك و) كانادادا 4 كەزدەسۋ وتكىزىپ، 3 جەكپە-جەگىن ۋاقىتىنان بۇرىن اياقتادى. باتىرجان الەمدىك رەيتينگتە 50-ورىنعا جايعاستى.
ءبىرىنشى جەڭىل سالماقتا WBA NABA USA جانە WBC EPBC تيتۋلىنىڭ يەگەرى بەكمان سويلىبايەۆ (12-0-0، 4 ك و) 29 -مامىر كۇنى مەكسيكادا ۆەنەسۋەلالىق سامۋەل گونسالەسپەن (16-5-0، 10 ك و) 10 راۋند جۇدىرىقتاسىپ، ۇپاي باسىمدىلىعىمەن جەڭىسكە جەتتى. سويلىبايەۆ سونىمەن قاتار WBC International چەمپيوندىق تيتۋلى يەگەرى اتاندى.
بەكمان سويلىبايەۆ 2017 -جىلعى 3 جەڭىسىنەن كەيىن BoxRec پورتالىنىڭ ءبىرىنشى جەڭىل سالماقتاعى الەمدىك رەيتينگىندە 55 ورىننان، WBC ۇيىمىنىڭ جەلتوقسان ايىنداعى رەيتينگىندە 20-ورىننان كورىندى.
جەڭىل سالماقتاعى وتانداسىمىز جانات جاقيانوۆ (27-2-0، 18 ك و) بيىل سپورتتىق مانسابىنداعى ەكىنشى جەڭىلىسىنە ۇشىرادى.
10 -اقپان كۇنى جاقيانوۆ ا ق ش- تا العاش رەت جەكپە- جەك وتكىزدى. وتانداسىمىز جەرگىلىكتى بوكسشى روۋشي ۋوررەنمەن (14-1، 4 ك و) جەڭىل سالماقتاعى WBA (Super) جانە IBO تۇجىرىمدارى بويىنشا الەم چەمپيونى تيتۋلىن ساراپقا سالدى. جاقيانوۆ 2 رەت نوكداۋنعا تۇسكەنىنە قاراماستان، قارسىلاسىمەن 12 راۋند بويى جۇدىرىقتاسىپ، قورىتىندىسىندا تورەشىلەر شەشىمىمەن چەمپيوندىق اتاقتاردى جەڭىپ الدى.
22 -قازان، جانات جاقيانوۆ يرلانديالىق بوكسشى رايان بارنەتتەن (17-0, 9 ك و) تورەشىلەر شەشىمى بويىنشا جەڭىلىپ، چەمپيوندىق بەلدىگىنەن ايىرىلىپ قالدى.
ايەلدەر اراسىنداعى تۇڭعىش قازاقستاندىق الەم چەمپيونى
بۇل كۇندە ايەلدەر اراسىنداعى كاسىپقوي بوكستا جۇدىرىقتاساتىن 4 قازاقستاندىق بوكسشى بار. ءبىرىنشى جەڭىل سالماقتا ونەر كورسەتىپ جۇرگەن قازاقستاندىق بوكسشى فيرۋزا ءشارىپوۆا (7-1, 4 ك و) 2017 -جىلى قازاق بوكس تاريحىنداعى كاسىپقوي بوكستان العاشقى الەم چەمپيونى اتانىپ، ءۇش بىردەي ۇيىمنىڭ چەمپيوندىق تيتۋلىن جەڭىپ الدى.
26 -تامىز كۇنى ءشارىپوۆا استانا قالاسىنداعى ەكسپو كەشەنىندە 10 راۋندتىق كەزدەسۋ وتكىزىپ، بولگاريالىق ميلەنا كوليەۆانى ايقىن باسىمدىقپەن جەڭدى. سونداي-اق، وتانداسىمىز IBA الەم چەمپيونى بەلدىگىن يەلەندى.
30 -جەلتوقساندا بوكسشى قىز الماتىدا بەلگيالىق دجەميللا گونتاريۋكتى (13-4-1, 2 ك و) تورەشىلەر شەشىمى بويىنشا جەڭىپ، IBO جانە WBC Silver تيتۋلىنىڭ يەگەرى اتاندى.
جاڭا ەسىمدەر
2017 -جىلى 17 قازاقستاندىق بوكسشى كاسىپقوي بوكسقا اۋىستى. ولاردىڭ قاتارىندا لوندون جانە ريو- دە- جانەيرو وليمپيادالارىندا قاتارىنان ەكى دۇركىن قولا جۇلدەگەر اتانعان يۆان دىچكو، 2015 -جىلعى عالىم جارىلعاپوۆ تۋرنيرىنىڭ جەڭىمپازى نۇرزات سابىروۆ جانە قازاقستاندىق بەلگىلى ءانشى يبراگيم ەسكەندىر بار.
ايتا كەتەرلىگى، دىچكو 29 -قىركۇيەكتە ا ق ش- تا دەبيۋتتىق كەزدەسۋىن وتكىزىپ، 16 -جەلتوقسانعا دەيىن 4 جەكپە-جەك وتكىزىپ، بارلىعىندا ۋاقىتىنان بۇرىن جەڭىسكە جەتتى. ال ءان ونەرىنەن بوكسقا بەت العان يبراگيم ەسكەندىر 3 جانە 30 -جەلتوقسان كۇنى ەكى كەزدەسۋ وتكىزىپ، ەكى قارسىلاسىن دا نوكاۋدقا جىبەردى.
مۇحتار قاليموللا ۇلى
