نورۆەگيادا 2017-جىلعى نوبەل سىيلىعى تاپسىرىلدى

2017-جىلعى الەمدىك سىيلىق يادرولىق قارۋعا تىيىم سالۋ جونىندەگى حالىقارالىق كامپانيانىڭ (International сampaign to abolish nuclear weapons, ICAN )   وكىلدەرىنە تاپسىرىلدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

ICAN جۇزدەن استام ەلدەگى ۇكىمەتتىك ەمەس ۇيىمداردىڭ باسىن بىرىكتىرەدى.

قۇرمەت گراموتاسى، نوبەلدىك مەدال مەن 9 ميلليون شۆەدتىك كرون (اعىمداعى باعام بويىنشا شامامەن 1,1 ميلليون دوللار) سوماسىنداعى چەك ICAN- نىڭ اتقارۋشى ديرەكتورى، شۆەتسيا ازاماتشاسى بەاتريس فينگە، سونداي-اق 85 جاستاعى جاپوندىق سەتسۋكو تەرلوۋعا تابىستالدى.

اتاپ وتىلگەندەي، سەتسۋكو تەرلوۋ جاس كەزىندە حيروسيماعا جاسالعان اتومدىق بومبالاۋدى ءوز كوزىمەن كورگەن، كەيىن كوپتەگەن جىلدار بويى يادرولىق قارۋعا تىيىم سالۋ جولىندا كۇرەسىپ كەلەدى.

« ICAN - نىڭ باستى ۇندەۋى - يادرولىق قارۋدان باس تارتپايىنشا - الەمدە قاۋىپسىز بولمايدى. مۇنى يادرولىق قارۋدان تۋىندايتىن قاۋىپ-قاتەر كۇشەيە تۇسكەنىن ءجىتى سەزىنەتىن ميلليونداعان ادام تۇسىنۋدە. بۇل ك ح د ر- داعى احۋالعا دا بايلانىستى»، - دەپ اتاپ ءوتتى نورۆەگيالىق نوبەل كوميتەتىنىڭ ءتوراعاسى بەريت رايسس- اندەرسەن.

اۆتور: ميرا تولەندى قىزى