20:57, 26 - قىركۇيەك 2017 | GMT +5
اشحابات-2017: قازاقستانعا قوس «التىندى» شاحماتشى قىزدار الىپ كەلدى
استانا. قازاقپارات - تۇرىكمەنستان استاناسى اشحاباد قالاسىندا جاۋىنگەرلىك ونەر تۇرلەرى بويىنشا جابىق عيماراتتا ءوتىپ جاتقان V ازيا ويىندارىندا بۇگىن شاحماتشى قىزدارىمىز دينارا ءسادۋاقاسوۆا مەن جانسايا ابدىمالىك چەمپيون اتانىپ، ەكەۋى ەل قورجىنىنا ەكى «التىن» سىيلادى، دەپ حابارلايدى قازاقپارات ءتىلشىسى.
دينارا ءسادۋاقاسوۆا فينالدا قىتايدان كەلگەن شاحماتشىلار گۋ دجەي مەن دجو ۆانگتى (1,5 - 0,5) ۇتسا، جانسايا وسى ەلدىڭ سپورتشىسى دجۋدى جەڭىپ (1-0)، چەمپيوندىق اتاققا قول جەتكىزدى.
وسىلايشا، قازاقستاننىڭ قۇراما كومانداسى «اشحاباد-2017» ازيا ويىندارىندا شاحماتتان العاشقى التىن جۇلدەلەرىنە قول جەتكىزدى.
بۇعان دەيىن حابارلاعانىمىزداي، قازاقستان بۇگىنگى ەكى التىن مەدالمەن جالپى ەسەپتە ءتورتىنشى ورىنعا كوتەرىلدى.
اۆتور: كۇنسۇلتان وتارباي
