اشحاباد-2017: قازاقستان التىن مەدالدار سانى جاعىنان وزبەكتەرمەن تەڭەستى

استانا. قازاقپارات - تۇرىكمەنستان استاناسى اشحاباد قالاسىندا جاۋىنگەرلىك ونەر تۇرلەرى بويىنشا جابىق عيماراتتا ءوتىپ جاتقان V ازيا ويىندارىندا قازاقستان سپورتشىلارى التىن مەدالدار سانى جاعىنان وزبەكتەرمەن تەڭەستى، دەپ حابارلايدى قازاقپارات ءتىلشىسى.
None
None

ءدال قازىرگى كورسەتكىش بويىنشا وزبەكستان سپورتشىلارىنىڭ قورجىنىندا 23 التىن، 30 كۇمىس، 64 قولا مەدال بولسا، قازاق سپورتشىلارىندا 23 التىن، 24 كۇمىس، 32 قولا مەدال بار.

وزبەك سپورتشىلارى تەك كۇمىس پەن قولا مەدالدار سانى جاعىنان وتانداستارىمىزدان جالپى كوماندالىق ەسەپتە ءبىر ساتى جوعارى ءتورتىنشى ورىندا كەلەدى.

ال كوش باسىندا تۇرىكمەنستان سپورتشىلارى تۇر. ولار جالپى مەدالدار سانىن 231 گە جەتكىزدى. ونىڭ 85 ءى التىن، 65 ءى كۇمىس، 81 ءى قولا مەدال.

ەكىنشى ورىندى ەكى كۇننەن بەرى قىتاي سپورتشىلارى ۋىسىندا ۇستاپ كەلەدى. ولاردىڭ ەنشىسىندە 35 التىن، 24 كۇمىس، 22 قولا، جالپى 81 مەدالعا قول جەتكىزدى. ءۇشىنشى ورىنعا 26 التىن، 18 كۇمىس، 59 جالپى 103 مەدال يەلەنگەن يران قۇراماسى تابان تىرەدى.

ايتا كەتەيىك، اتالمىش بايراقتى دودا ەرتەڭ، ياعني 27- قىركۇيەك كۇنى ءوز مارەسىنە جەتەدى. بۇل دودادا ەل نامىسىن قورعاۋعا قازاقستاننىڭ 150 سپورتشىسى اتتانعان بولاتىن. ولار جارىستىڭ 17 تۇرىنەن سىنعا تۇسۋدە.

اۆتور: كۇنسۇلتان وتارباي

سوڭعى جاڭالىقتار