18:12, 25 - تامىز 2017 | GMT +5
ۋنيۆەرسيادا-2017: ورالمان قارىنداسىمىز كۇمىس جۇلدە جەڭىپ الدى
استانا. قازاقپارات - تايبەيدە ءوتىپ جاتقان جازعى بۇكىل الەمدىك ۋنيۆەرسيادا ويىندارىندا قازاقستاندىق جانسەل دەنيز كۇمىس جۇلدەنى جەڭىپ الدى، دەپ حابارلايدى قازاقپارات ءتىلشىسى.
تۇركيا ەلىندە تۋىپ، تاريحي وتانىنا ورالعان تاەكۆوندوشى ارۋىمىز بۇگىندە اتىراۋ وبلىسىنىڭ اتىنان سىنعا ءتۇسىپ ءجۇر.
ۋنيۆەرسيادا ويىندارىندا 73 كەلىگە دەيىنگى سالماق دارەجەسىندە سىنعا تۇسكەن ول فينالعا دەيىن جەتىپ، شەشۋشى سىندا كورەيا ەلىنىڭ سپورتشىسى لي داۆينعا ەسە جىبەرىپ الدى.
ايتا كەتۋ كەرەك، بۇل - وسى ۋنيۆەرسيادا ويىندارىنداعى قازاقستان تاەكۆوندوشىلارىنىڭ العاشقى مەدالى.
اۆتور: كۇنسۇلتان وتارباي
