18:31, 23 - تامىز 2017 | GMT +5
ۋنيۆەرسيادا-2017: قازاقستان قورجىنىنا جەتىنشى جۇلدە ءتۇستى
استانا. قازاقپارات - قىتايدىڭ تايبەيىندە ءوتىپ جاتقان جازعى 2017-جىلعى ۋنيۆەرسيادا ويىندارىندا تاعى ءبىر وتانداسىمىز قازاقستان قورجىنىنا 7 جۇلدەنى سالدى، دەپ حابارلايدى قازاقپارات ءتىلشىسى.
دزيۋدودان قىزدار اراسىندا قازاقستان نامىسىن قورعاپ كەلە جاتقان وتگونتسەتسەگ گالبادراح جازعى ۋنيۆەرسيادا ويىندارىنىڭ قولا جۇلدەسىن جەڭىپ الدى.
48 كەلى سالماقتاعى ارۋىمىز 1/8 فينالدا جاپون قىزى ۋمەكيتا مايدان جەڭىلىپ قالعان ەدى. باعىنا جاراي ول جۇبانىش بەلدەسۋ مۇمكىندىگىنە يە بولىپ، ءبىرىنشى جۇباتۋ بەلدەسۋىند گالبادراح اۆستريالىق مارا كرافتان ايلاسىن اسىردى. ەكىنشى بەلدەسۋىندە فرانسۋز دزيۋدوشىسى دجەسسيكا مارين انريدەن باسىم تۇسسە، ءۇشىنشى بەلبەسۋىندە ول پولشالىق يواننا ستانكيەۆيچتى جەڭدى.
ال قولا جۇلدە ءۇشىن وتكەن بەلدەسۋدە ماريا پەرسيدسكايانى ۇتىپ، قولا جۇلدەگەر اتاندى.
اۆتور: كۇنسۇلتان وتارباي
